నా భూమి నుంచి నన్ను గెంటేయడానికి ఎందుకీ ఉత్సాహం?

విశ్వభారతి విశ్వవిద్యాలయ ఉప రిజిస్ట్రార్‌ లేఖపై అమర్త్యసేన్‌

కోల్‌కతా: భూవివాదంపై విశ్వభారతి విశ్వవిద్యాలయ ఉప రిజిస్ట్రార్‌ రాసిన లేఖపై అమర్త్యసేన్‌ బుధవారం స్పందించారు. ‘‘శాంతినికేతన్‌ ప్రాంగణంలో ఉన్న నా భూమి నుంచి నన్ను బయటకు గెంటేయడానికి విశ్వవిద్యాలయం ఎందుకు ఇంత ఉత్సాహం చూపిస్తుందో అర్థం కావట్లేదు. నియమ నిబంధనల ప్రకారమే నేను ఇక్కడ నివసిస్తున్నాను’’ అని ఆయన ఆవేదన వ్యక్తం చేశారు. ప్రధానమంత్రి ఛాన్సలర్‌గా ఉన్న ఈ విశ్వవిద్యాలయ ఉప రిజిస్ట్రార్‌ మంగళవారం లేఖ రాస్తూ.. ‘‘అమర్త్యసేన్‌ తండ్రి అశుతోష్‌సేన్‌ 1943లో 125 సెంట్ల భూమిని విశ్వవిద్యాలయం నుంచి లీజుకు తీసుకున్నారు. అమర్త్యసేన్‌ కుటుంబం అదనంగా 13 సెంట్ల భూమిని ఆక్రమించింది. దాన్ని తిరిగి ఇవ్వాలి’’ అని పేర్కొన్నారు.