కేంద్ర ప్రభుత్వ ఉద్యోగుల పిల్లల విద్యా భత్యం పరిమితికి సవరణ

దిల్లీ: కేంద్ర ప్రభుత్వ ఉద్యోగుల పిల్లల విద్యా భత్యం, హాస్టల్‌ రాయితీల పరిమితులను కేంద్రం సోమవారం సవరించింది. కరవు భత్యం పెరిగిన జనవరి 1, 2024 నుంచి పాటు ఈ సవరణ అమల్లోకి వచ్చింది. ఆ మేరకు వేతన సవరణను అనుసరించి  ఉద్యోగులకు 50 శాతం డీఏ పెరిగినప్పుడల్లా పిల్లల విద్యా భత్యం, హాస్టల్‌ రాయితీ 25 శాతం పెరగనుంది. ఆ ప్రకారం వాస్తవ వ్యయంతో సంబంధం లేకుండా విద్యా భత్యాన్ని రూ.2,812.50గా, హాస్టల్‌ రాయితీని రూ.8,437.50 స్థిరంగా అందిస్తారు. అలాగే దివ్యాంగ పిల్లలను కలిగిన ఉద్యోగులకు విద్యా భత్యంగా రూ.5,625, దివ్యాంగులైన పిల్లలు కలిగిన మహిళా ఉద్యోగులకు ప్రత్యేక భత్యంగా రూ.3,750 చెల్లిస్తారు. ఈ మేరకు సిబ్బంది వ్యవహారాలశాఖ వెల్లడించింది.