Published : 27 Jan 2022 17:50 IST

Corona: దేశంలో ఒమిక్రాన్ ప్రబలంగా ఉన్నా.. మరణాలు తగ్గడానికి అదే కారణం..!

దిల్లీ: దేశంలో ప్రస్తుతం కరోనా కొత్త వేరియంట్ ఒమిక్రాన్ డామినెంట్‌గా ఉందని గురువారం కేంద్రం వెల్లడించింది. వ్యాక్సినేషన్ కారణంగా మూడోవేవ్‌కు ఆజ్యం పోసిన ఈ వేరియంట్ వల్ల వ్యాధి తీవ్రత, మరణాలు తక్కువగా ఉన్నాయని వెల్లడించింది. 

‘కరోనా రెండో దశలో అత్యధికంగా 4,14,188 కొత్త కేసులు రాగా.. 3,679 మరణాలు సంభవించాయి. అలాగే మూడో దశలో జనవరి 21, 2022న అత్యధింగా 3,47,254 కొత్త కేసులొచ్చాయి. 435 మంది ప్రాణాలు కోల్పోయారు. అప్పుడు మూడు శాతం మంది రెండు డోసుల టీకా తీసుకోగా.. ఇప్పుడు 75 శాతం మందికి పూర్తిస్థాయిలో టీకా అందింది’ అంటూ ఆరోగ్య శాఖ వివరించింది. టీకాలతో వ్యాధి తీవ్రత తగ్గినట్లు చెప్పింది. దేశంలో గత మూడు రోజులుగా మూడు లక్షలకు దిగువనే రోజువారీ కేసులొస్తున్నాయి. ప్రస్తుతం పాజిటివిటీ రేటు 19.59 శాతానికి చేరింది. గతవారం మొత్తం మీద ఆ రేటు 17.75 శాతంగా ఉంది. అలాగే దేశవ్యాప్తంగా 22లక్షలకు పైగా క్రియాశీల కేసులున్నాయి. మహారాష్ట్ర, కేరళ, కర్ణాటకలోనే ఆ కేసులు చెరో మూడు లక్షలున్నాయి. 

95 శాతం మందికి మొదటి డోసు.. 

దేశంలో కరోనా టీకా కార్యక్రమం నిర్విఘ్నంగా సాగుతోంది. ఇప్పటివరకు 95 శాతం మంది మొదటి డోసు, 74 శాతం మందికి రెండు డోసులు అందాయి. 97.03 లక్షల మంది అర్హులకు ప్రికాషనరీ డోసు తీసుకున్నారు. 15 నుంచి 18 ఏళ్ల వయస్సు వారికి టీకా పంపిణీ విషయంలో.. 16 రాష్ట్రాలు/కేంద్రపాలిత ప్రాంతాల సగటు జాతీయ సగటు కంటే ఎక్కువగా ఉంది. దేశంలో తగినన్ని టీకాలు అందుబాటులో ఉన్నాయని, కరోనాపై పోరాటంలో సాధ్యమైనంత ఎక్కువ మంది టీకా తీసుకోవడం ముఖ్యమని ఐసీఎంఆర్ డీజీ బలరాం భార్గవ అన్నారు. ఇతర అనారోగ్యాలతో బాధపడుతున్నవారు అత్యంత జాగ్రత్తగా ఉండాలని సూచించారు.

Read latest India News and Telugu News

 Follow us on Facebook, Twitter, Instagram, Koo, ShareChat and Google News.

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని