Modi: దేశ ప్రజలకు ప్రధాని దీపావళి శుభాకాంక్షలు!

దిల్లీ: దీపావళి పర్వదినం సందర్భంగా దేశ ప్రజలకు ప్రధాన మంత్రి నరేంద్ర మోదీ శుభాకాంక్షలు తెలిపారు. ‘దీపావళి శుభ సందర్భంగా దేశప్రజలకు శుభాకాంక్షలు. ఈ దీపాల పండగ మీ జీవితంలో సుఖసంతోషాలు, శ్రేయస్సు, అదృష్టాన్ని తీసుకురావాలని కోరుకుంటున్నాను’ అని ట్వీట్‌ చేశారు. నేడు ప్రధాని మోదీ జమ్ముకశ్మీర్‌లో పర్యటించనున్నారు. నౌషేరా, రాజౌరీ సెక్టార్లకు వెళ్లి అక్కడి సైనికులతో దీపావళి జరపుకోనున్నట్లు సమాచారం. 2014లో మోదీ ప్రధానిగా బాధ్యతలు చేపట్టిన నాటి నుంచి సైనికులతో కలిసి ఈ పండగ జరుపుకుంటున్నారు. ఆ సంప్రదాయాన్ని ఈ ఏడాది కూడా కొనసాగిస్తున్నారు.