కరోనా: సముద్ర తీరంలో విద్యార్థులకు పాఠాలు

మాడ్రిడ్‌: కరోనా మహమ్మారి విలయతాండవంతో ప్రపంచవ్యాప్తంగా విద్యాసంస్థలన్నీ దాదాపుగా మూతబడ్డాయి. తరగతి గదిలో భౌతిక దూరం కష్టం కావడంతో అనేక పాఠశాలలు ఆన్‌లైన్‌ తరగతులు నిర్వహిస్తున్నాయి. కానీ స్పెయిన్‌కు చెందిన ఓ స్కూల్‌ విభిన్నంగా ఆలోచించింది. తమ విద్యార్థులకు సముద్ర తీరంలో తరగతులు నిర్వహిస్తోంది. ప్రకృతిని ఆస్వాదిస్తూ, భౌతిక దూరం పాటిస్తూ విద్యార్థులు సముద్రం ఒడ్డున ఆడుతూపాడుతూ విద్యను అభ్యసిస్తున్నారు. సంగీతం, చిత్రలేఖనం, క్రీడా తరగతులను సముద్రం ఒడ్డునే నిర్వహిస్తున్నారు. చరిత్రను బోధించేందుకు ఉపాధ్యాయులు ఆ తరహా వస్త్రధారణ చేసి పాఠాలు చెప్పడం ప్రత్యేకంగా నిలుస్తోంది.