Adivi Sesh: అది... ఆస్కార్ గెలవడంతో సమానం!
విలక్షణ నటనతో ఆకట్టుకుంటున్న కథానాయకుడు అడివిశేష్. 26/11 హీరో మేజర్ సందీప్ ఉన్నికృష్ణన్ జీవితం ఆధారంగా తెర కెక్కిన ‘మేజర్’ చిత్రం చేశారు. శశికిరణ్ తిక్క దర్శకత్వం వహించిన ఈ చిత్రం జూన్ 3న ప్రేక్షకుల ముందుకొస్తోంది. తెలుగు, హిందీ, మలయాళం భాషల్లో విడుదలవుతున్న ఆ సినిమా ప్రచారంలో భాగంగా దేశమంతా పర్యటిస్తున్నారు అడివి శేష్. ఈ సందర్భంగా ఆయన ‘ఈనాడు సినిమా’తో ఫోన్లో సంభాషించారు.
విలక్షణ నటనతో ఆకట్టుకుంటున్న కథానాయకుడు అడివిశేష్. 26/11 హీరో మేజర్ సందీప్ ఉన్నికృష్ణన్ జీవితం ఆధారంగా తెర కెక్కిన ‘మేజర్’ చిత్రం చేశారు. శశికిరణ్ తిక్క దర్శకత్వం వహించిన ఈ చిత్రం జూన్ 3న ప్రేక్షకుల ముందుకొస్తోంది. తెలుగు, హిందీ, మలయాళం భాషల్లో విడుదలవుతున్న ఆ సినిమా ప్రచారంలో భాగంగా దేశమంతా పర్యటిస్తున్నారు అడివి శేష్. ఈ సందర్భంగా ఆయన ‘ఈనాడు సినిమా’తో ఫోన్లో సంభాషించారు.
విడుదలకి ముందే పలుచోట్ల సినిమాని చూపిస్తున్నారు. ఆ నిర్ణయం వెనుక కారణమేంటి?
అమాయకమైన కారణాలతో తీసుకున్న నిర్ణయం అది. తెలుగులో ప్రచారం చేసినట్టుగా, హిందీలోనూ టెలివిజన్ కార్యక్రమాల్లో పాల్గొందామని మేం భావించాం. అక్కడ కొన్ని షోలు రద్దయ్యాయి. మా సినిమా విడుదల సమయానికి ఇలాంటి అడ్డంకులు వచ్చాయేమిటి అనిపించింది. మా సినిమా ఎంత బాగుందో మేం షోలల్లో పాల్గొని చెప్పేబదులు, సినిమానే చూపిస్తే ఎలా ఉంటుందనే ఆలోచన వచ్చింది. మేజర్ సందీప్ సాహసం స్ఫూర్తితో మేం ధైర్యంగా వేసిన అడుగు అది. భారతీయ సినిమా చరిత్రలో ఓ పెద్ద సినిమాని పది రోజుల ముందే పది నగరాల్లో ప్రదర్శించడం చాలా పెద్ద విషయం. ప్రేక్షకుల నుంచి నా కెరీర్లోనే అత్యుత్తమమైన స్పందనని చూశా.
మేజర్ సందీప్ తల్లి దండ్రులు సినిమాని చూశారా?
వాళ్లు ఇప్పటికే చాలా సన్నివేశాల్ని చూశారు. 31వ తేదీన పూర్తిస్థాయి సినిమాని బెంగళూరులో చూస్తారు. నిర్మాణంలో భాగమైన కథానాయకుడు మహేష్బాబు చూశారు. అందమైన వ్యక్తి నుంచి అంతే అందమైన స్పందన వచ్చింది. ఆయన మెచ్చుకోవడం మాకు ఆస్కార్ గెలవడంతో సమానం.
26/11 నేపథ్యాన్ని ఇదివరకు చాలా మంది స్పృశించారు కదా...?
‘తొలిప్రేమ’ వచ్చిందని ‘ఖుషీ’ చూడకుండా ఉండలేం కదా. మేం చెప్పాలనుకున్నది ఒక అందమైన జీవితం గురించి. అందులో కార్గిల్ యుద్ధం ఉంటుంది, 26 /11 నేపథ్యమూ ఉంటుంది. సందీప్ హైదరాబాద్ కంటోన్మెంట్లో కెప్టెన్. హర్యానాలో ట్రైనింగ్ ఆఫీసర్. సందీప్ తన ఆఖరి 36 గంటల్లో ఎన్ని వందలమంది ప్రాణాలు కాపాడి చనిపోయారో అందరికీ తెలుసు కానీ... దానికి ముందు 31 ఏళ్లు ఎంత అందంగా బతికారనేది ఎవరికీ తెలియదు. సినిమాలో మొదటి 35 నిమిషాలు ‘జానే తు యా జానే నా’, ‘నువ్వే కావాలి’ లాంటి సినిమాలు చూసినంత ఆహ్లాదంగా ఉంటుంది.
సందీప్ జీవితంపైనే ఎక్కువగా దృష్టి పెట్టారా?
సందీప్ జీవిత సారాన్ని తీసుకుని చేసిన కథ ఇది. కొన్ని కల్పితాలు ఉండొచ్చు కానీ... ఆ జీవితానికీ, అందులోని భావోద్వేగాలకి న్యాయం చేస్తున్నామా లేదా? అనేది చూసుకునే సినిమా చేశాం. పక్కింటి కుర్రాడు. అమ్మానాన్నతో కలిసి పాయసం తింటూ దాని గురించి మాట్లాడిన కుర్రాడు. స్కూల్కి వెళుతూ, సరదాగా ఆడుకుంటూ, గళ్ఫ్రెండ్తో ముచ్చట్లు చెబుతూ, స్నేహితులతో కలిసి స్కూల్కి బంక్ కొట్టి సినిమాలు, షికార్లు అంటూ తిరిగిన ఆ కుర్రాడు మేజర్ సందీప్ ఎలా అయ్యాడు? కార్గిల్ యుద్ధంలోనూ, తాజ్ లోపల తను తీసుకున్న పెద్ద పెద్ద నిర్ణయాలకి అప్పటిదాకా గడిపిన అతని జీవితం ఎలా ప్రభావితం చేసిందనే విషయాల్ని ఇందులో చూపించాం.
ఈ చిత్రీకరణలో ఎదురైన సవాళ్లేంటి?
అడుగడుగునా సవాళ్లే. చిత్రీకరణ ఊపందుకుంటోంది అనుకునే సమయంలోనే కొవిడ్ భయపెట్టేది. వందకిపైగా రోజులు, 75 లొకేషన్లు, ఎనిమిది భారీ సెట్లు నిర్మించి సినిమా చేశాం. దిల్లీ, హర్యానా, ముంబయి, బెంగళూరు, హైదరాబాద్ నగరాల్లో చిత్రీకరణ చేశాం. మిలటరీ లొకేషన్లలో చిత్రీకరణ చేయడం అన్నిటికంటే పెద్ద సవాల్. అనుమతులు అంత సులభంగా రావు. చాలా రోజుల తర్వాత పూర్తిగా మన హైదరాబాద్లో తయారైన భారతీయ సినిమా ఇది.
ఈ సినిమాతో పాన్ ఇండియా స్థాయిలో గుర్తింపుని సాధించనున్నారు. ఆ విషయంపై మీ అభిప్రాయం?
ఆల్ ఇండియన్ మనిషి సందీప్ గురించి సినిమా చేశాననేది నా భావన. అంతకంటే వేరే ఆశలు పెట్టుకుని నేను చేయలేదు. ఈ సినిమా ఎలా ఉండబోతోంది? చూశాక ప్రేక్షకులు ఏమనుకుంటారనే సందేహం ఏ రోజూ కలగలేదు. మరింత ఆత్మవిశ్వాసాన్ని ఇవ్వడంతోపాటు, కచ్చితంగా నా కెరీర్పై పలు రకాలుగా ప్రభావం చూపిస్తుందనైతే నమ్ముతాను.
కెరీర్పై మీ అమ్మానాన్నలు ఏమంటున్నారు?
‘క్షణం’ సినిమాతోనే నేను నటుడిగా స్థిరపడిపోయాననే భావన వాళ్లలో కలిగింది. ఏదైనా సినిమా ఆలోచన పంచుకోవడానికి సిద్ధమైతే ‘నువ్వు సినిమా తీస్తున్నావంటే అది బాగుంటుందిరా. చెప్పాల్సిన అవసరమే లేదు’ అంటుంటారు మా నాన్న. నాకు దక్కిన ఓ గొప్ప ప్రశంస అది. ప్రేక్షకులు నాపై ప్రదర్శిస్తున్న నమ్మకం గుర్తొస్తే తృప్తి కలుగుతుంది.
కొత్త సినిమాల కబుర్లేమిటి?
నాని నిర్మాణంలో రూపొందుతున్న ‘హిట్ 2’ సినిమా ఉంది. మార్వెల్ ప్రపంచంలాగా దాన్ని మరింత పెద్దగా చేద్దామని నన్ను ఆ ప్రాజెక్ట్లోకి రమ్మన్నారు. ఒకొక్క పోలీస్ అధికారి కథ ఒకొక్క నగరంలో జరుగుతుంటుంది. ఇప్పటికే చిత్రీకరణ పూర్తయింది. తదుపరి ‘గూఢచారి2’ చేయాలి. స్క్రిప్ట్ రాయడంపై దృష్టిపెట్టా. కథకి అవకాశం ఉందన్నప్పుడు కచ్చితంగా నా సినిమాల్ని పాన్ ఇండియా మార్కెట్ లక్ష్యంగానే రూపొందిస్తాం.
రచన పరంగా ప్రభావం చూపిస్తున్నారు. దర్శకత్వంపై దృష్టి పెడదామనే ఆలోచనలు వస్తుంటాయా?
నేనొక విజయవంతమైన నటుడిని, మంచి రచయితని, దర్శకుడిగా పరాజితుడిని. ఆ మాట చాలా నమ్మకంగా చెబుతాను. అయితే నేను రచయితని కావడం నా కెరీర్కి చాలా మేలైంది. కథల కోసం ఎవరి దగ్గరికో వెళ్లాల్సిన అవసరం ఉండదు. మంచి కథలు మన దగ్గరే ఉన్నాయని తెలుసు కాబట్టి! ఈ సినిమా విషయంలో దర్శకుడు శశికిరణ్ తిక్క పడిన కష్టం చాలా ఎక్కువ. తను సితార సంస్థలో సినిమా చేస్తుంటే, ఒక్క ఏడాది అని చెప్పి తీసుకొచ్చా. తీరా మూడేళ్లయింది. నా కెరీర్ని మరోస్థాయికి తీసుకెళ్లిన దర్శకుడు తను. సందీప్లాంటి ఓ గొప్ప మనిషి జీవితంలో ఎన్నో గొప్ప విషయాలున్నాయి. వాటిలో ఏది చూపించాలనే విషయంపై శశికిరణ్ అద్భుతమైన పనితీరుని ప్రదర్శించారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
Surya: ‘సూర్య43’ వాయిదా.. ప్రకటించిన చిత్ర బృందం
‘సూర్య43’ సినిమా నిర్మాణం వాయిదా వేసినట్లు చిత్రబృందం ప్రకటించింది. -
Hanu Man: ఓటీటీలో ‘హనుమాన్’ క్రేజ్ మామూలుగా లేదుగా.. 2024లో ఇదో సరికొత్త రికార్డు
Hanuman ott: జీ5 ఓటీటీలో స్ట్రీమింగ్కు వచ్చిన హనుమాన్ మూవీ రికార్డు వ్యూస్తో దూసుకుపోతోంది. -
SS Rajamouli: త్వరలో షూటింగ్.. మహేశ్ మూవీపై జక్కన్న అప్డేట్
మహేశ్ బాబుతో తాను చేయబోయే చిత్రం గురించి రాజమౌళి జపాన్ మీడియాతో మాట్లాడారు. దానికి సంబంధించిన కీలక అప్డేట్ ఇచ్చారు. -
Actors turned Directors: ధనుష్, ఉపేంద్ర, కంగన.. మళ్లీ మరో కోణాన్ని చూపించేందుకు...
స్వీయ దర్శకత్వంలో నటించిన హీరో/హీరోయిన్పై ప్రత్యేక కథనం. ఎవరు ఏ సినిమాతో అలరించేందుకు సిద్ధమయ్యారంటే? -
Mohan Babu: మోహన్బాబు అలా ‘అల్లుడుగారు’ అయ్యారు.. అదరగొట్టారు
నేడు మోహన్బాబు పుట్టినరోజు. ఈ సందర్భంగా ‘అల్లుడుగారు’ సినిమా సంగతులు చూద్దాం.. -
బాక్సాఫీస్ బరిలో అదిరే ఆట వసూళ్ల వేట
క్రీడా నేపథ్య కథలపై ప్రేక్షకులతో పాటు సినీతారలు మక్కువ కనబరుస్తుంటారు. ఆట.. అందులోని సవాళ్లు.. గెలుపు కోసం చేసే సాహసోపేతమైన ప్రయాణం.. -
గోవాకు దేవర
‘దేవర’ను పూర్తి చేయడమే లక్ష్యంగా వడివడిగా అడుగులేస్తున్నారు ఎన్టీఆర్. ఆయన కథానాయకుడిగా నటిస్తున్న ఈ పాన్ ఇండియా చిత్రాన్ని కొరటాల శివ తెరకెక్కిస్తున్న సంగతి తెలిసిందే. -
నిద్ర కోసం ఆరాటపడిన రోజులున్నాయి
‘సరదాగా తీసుకునే చిన్న చిన్న విరామాలు నైపుణ్యాలను మెరుగు పరుచుకోవడానికి, చిత్రాల ఎంపిక విషయంలో ఎంతో దోహదపడతాయని నా అభిప్రాయం’ అంటోంది మృణాల్ ఠాకూర్. చేతి నిండా సినిమాలు... -
ప్రేక్షకుల్లో గమనించిన మార్పు అదే!
‘‘కొత్త కథలతో సినిమాలు చేయాలన్నదే నా ప్రయత్నం. పంపిణీదారుడిగా ఉన్నప్పుడు నా అభిరుచుల్ని కథానాయకులు నమ్మారు. వాళ్ల ప్రోత్సాహంతోనే నిర్మాతగా ప్రయాణం చేస్తున్నా’’ అన్నారు రాజేశ్ దండా. -
చిత్రోత్సవానికి ముఖ్య అతిథిగా
చిత్రసీమలో ఉత్తేజాన్ని, సినీ ఔత్సాహికుల్లో స్ఫూర్తిని నింపేలా సౌత్ ఇండియా ఫిలిం ఫెస్టివల్ని నిర్వహిస్తున్నట్టు ఆహా, పీపుల్ మీడియా ఫ్యాక్టరీ సంస్థలు ప్రకటించాయి. -
‘మగధీర’, ‘ప్రేమికుడు’ మళ్లీ..
రామ్చరణ్ కథానాయకుడిగా అగ్ర దర్శకుడు రాజమౌళి తెరకెక్కించిన ‘మగధీర’తోపాటు, ప్రభుదేవా కథానాయకుడిగా మరో అగ్ర దర్శకుడు శంకర్ తెరకెక్కించిన ‘ప్రేమికుడు’ రీరిలీజ్గా త్వరలోనే ప్రేక్షకుల ముందుకు రానున్నాయి. -
ప్రతినాయకుడిగా శివాజీ
‘గుండెజారి గల్లంతయ్యిందే’, ‘ఒక లైలా కోసం’ సినిమాలతో ప్రేక్షకుల్ని మెప్పించిన దర్శకుడు కొండా విజయ్ కుమార్. ఇప్పుడాయన ‘అహం’ పేరుతో ఓ చిత్రం చేస్తున్నారు. -
మోహన్లాల్ @ 360
‘మలైకోటై వాలిబన్’ చిత్రంతో ఇటీవలే మంచి విజయాన్ని అందుకున్నారు మలయాళ అగ్రకథానాయకుడు మోహన్లాల్. ప్రస్తుతం ఆయన.. మరో కొత్త ప్రాజెక్టుకు పచ్చజెండా ఊపారు. -
యమధీర రాజకీయం
కన్నడ తార కోమల్ కుమార్ కథానాయకుడిగా... శంకర్.ఆర్ దర్శకత్వంలో తెరకెక్కిన అనువాద చిత్రం ‘యమధీర’. రిషిక శర్మ కథానాయిక. క్రికెటర్ శ్రీశాంత్ ముఖ్యభూమిక పోషించారు. -
రాజమండ్రిలో భీమునిపట్నం
కంచర్ల ఉపేంద్ర, అపర్ణాదేవి జంటగా నటిస్తున్న చిత్రం ‘1920 భీమునిపట్నం’. నరసింహ నంది దర్శకత్వం వహిస్తున్నారు. -
Social Look: ‘ఫ్రెష్’ ఫీలింగ్తో ప్రగ్యా.. బ్రదర్కి అనుపమ విషెస్.. చీరలో అదితి, ఐశ్వర్య హొయలు
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ.. -
Anupama Parameswaran: అందుకు బోర్ ఫీలయ్యా.. గ్లామర్ డోస్పై స్పందించిన అనుపమ
సిద్ధు జొన్నలగడ్డ, అనుపమ జంటగా నటించిన చిత్రం ‘టిల్లు స్క్వేర్’. ఈ సినిమా సాంగ్ లాంచ్ ఈవెంట్లో హైదరాబాద్లో జరిగింది. -
Kantara: ‘కాంతార 2’.. హీరోయిన్గా ఆమెను ఎంపిక చేస్తున్నారా?
‘కాంతార 2’ హీరోయిన్పై చిత్ర పరిశ్రమలో ఓ రూమర్ చక్కర్లు కొడుతోంది. అదేంటంటే?
తాజా వార్తలు (Latest News)
-
Mallikarjun Kharge: భాజపా హామీలు.. 2004 ఫలితమే వస్తుంది: ఖర్గే
-
Flight Journey: ‘బరువు ఉన్నామని విమానం నుంచి దించేశారు’
-
YSRCP: చిలకలూరిపేట పంచాయితీ.. మల్లెల రాజేశ్కు సీఎంవో నుంచి పిలుపు
-
Ashwini Vaishnaw: 2026లో బుల్లెట్ రైలు పరుగులు.. త్వరలోనే ‘మేడిన్ ఇండియా’ చిప్
-
IPL-SRH: సన్రైజర్స్ హైదరాబాద్కు షాక్.. మూడు మ్యాచ్లకు కీలక ఆటగాడు దూరం
-
AP News: కాంగ్రెస్లో చేరిన వైకాపా ఎమ్మెల్యే