హల్‌చల్ చేస్తున్న ‘అర్రెరెరె జాతిరత్నాలు’

ఇంటర్నెట్‌డెస్క్: నవీన్‌ పొలిశెట్టి ప్రధానపాత్రలో తెరకెక్కిన చిత్రం ‘జాతి రత్నాలు’. అనుదీప్‌ కేవీ దర్శకత్వంలో తెరకెక్కిన ఈ సినిమాలో ప్రియదర్శి, రాహుల్‌ రామకృష్ణ కీలక పాత్రలు పోషించారు. ఫరీదా కథానాయికగా నటించింది. మార్చి 11న సినిమా ప్రేక్షకుల ముందుకు వచ్చింది. తాజాగా ఈ చిత్రానికి సంబంధించిన ‘అర్రెరె జాతిరత్నాలు’ అంటూ రామ్‌ మిర్యాల పాడిన ప్రత్యేక పాటను వైజయంతి నెట్‌వర్క్ సంస్థ తన యూట్యూబ్‌లో షేర్‌ చేసింది. అందులో చిత్రానికి సంబంధించిన ప్రచార కార్యక్రమాలను వీడియోలో పంచుకున్నారు. స్వప్న సినిమాస్‌ పతాకంపై తెరకెక్కిన ఈ సినిమాకి నాగ్‌ అశ్విన్‌ నిర్మాతగా వ్యవరించగా.. రథన్‌ సంగీతం స్వరాలు సమకూర్చారు. చిత్రంలో బ్రహ్మానందం, మురళీ శర్మ, వెన్నెల కిశోర్‌, బ్రహ్మజీ, తనికెళ్ల భరణి తదితరులు నటించారు.