Beast: ‘బీస్ట్‌’ ట్రైలర్‌ ఆరోజే

విజయ్‌ కథానాయకుడిగా నెల్సన్‌ దిలీప్‌ కుమార్‌ తెర కెక్కించిన యాక్షన్‌  ఎంటర్‌టైనర్‌ ‘బీస్ట్‌’. సన్‌ పిక్చర్స్‌ సంస్థ నిర్మించింది. పూజా హెగ్డే కథానాయిక. ఈ సినిమా ఏప్రిల్‌ 13న ప్రేక్షకుల ముందుకు రానుంది. ఈ నేపథ్యంలోనే ప్రచార కార్యక్రమాల్ని వేగవంతం చేస్తోంది చిత్ర బృందం. ఇందులో భాగంగా ఏప్రిల్‌ 2న సాయంత్రం 6గంటలకు ట్రైలర్‌ విడుదల చేయనున్నారు. ఈ విషయాన్ని బుధవారం అధికారికంగా ప్రకటించారు. ఈ మేరకు సామాజిక మాధ్యమాల వేదికగా ఓ కొత్త పోస్టర్‌ను విడుదల చేశారు. ఈ సినిమా తమిళం, తెలుగుతో పాటు పలు భాషల్లో విడుదల కానుంది.