Vikrant Rona: జులైలో ‘విక్రాంత్‌ రోణ’

కిచ్చా సుదీప్‌ హీరోగా నటించిన త్రీడీ సినిమా ‘విక్రాంత్‌ రోణ’. అనుప్‌ భండారి దర్శకుడు. జాక్‌ మంజునాథ్‌, శాలిని మంజునాథ్‌ సంయుక్తంగా నిర్మించారు. ఈ సినిమా జులై 28న ప్రపంచవ్యాప్తంగా పలు భాషల్లో విడుదల కానుంది. ఈ నేపథ్యంలోనే శనివారం ఈ చిత్ర ట్రైలర్‌ను హీరో చిరంజీవి విడుదల చేశారు. ఈ సందర్భంగా నిర్మాతలు మాట్లాడుతూ..‘‘ప్రపంచంలోని కొత్త హీరో విక్రాంత్‌ రోణను ప్రేక్షకులకు వారి ప్రాధాన్య భాషల్లో అందించడానికి మేము ప్రయత్నిస్తాం. ఇదొక విజువల్‌ వండర్‌. కథ.. కథనాలు చాలా కొత్తగా ఉంటాయి.యాక్షన్‌కు, గ్రాఫిక్స్‌కు ఎంతో ప్రాధాన్యముంది. ఈ సినిమా కోసం మేమెంతో ఆసక్తిగా ఎదురు చూస్తున్నాం’’ అన్నారు. ఈ చిత్రానికి సంగీతం: బి.అజనీష్‌ లోక్‌నాథ్‌, ఛాయాగ్రహణం: విలియమ్‌ డేవిడ్‌.