Kaathuvaakula Rendu Kaadhal: దరువేసిన డిప్పం డప్పం..

విజయ్‌ సేతుపతి కథానాయకుడిగా నటించిన చిత్రం ‘కణ్మణి రాంబో ఖతిజా’. సమంత, నయనతార కథానాయికలు. విఘ్నేశ్‌ శివన్‌ దర్శకత్వం వహించాడు. ఏప్రిల్‌ 28న విడుదల ఈ చిత్రం విడుదల కానుంది. ఈ నేపథ్యంలో ప్రచార కార్యక్రమాలను వేగవంతం చేసిన చిత్రబృందం లిరికల్‌ వీడియోను విడుదల చేసింది. ‘డిప్పం డప్పం..’ అని హుషారుగా సాగే ఈ తమిళ పాటకు సంగీత దర్శకుడు అనిరుధ్‌ ఇచ్చిన బీట్‌ అదిరిపోయింది. ఇద్దరమ్మాయిలను ఏకకాలంలో ప్రేమిస్తూ ఇబ్బందులు పడే పాత్రలో విజయ్‌ సేతుపతి నటిస్తున్నాడు. ఈ నేపథ్యంలో వచ్చే హాస్య సన్నివేశాలు ప్రేక్షకులను అలరిస్తాయని చిత్రబృందం తెలిపింది.