Family Star: ఫ్యామిలీస్టార్‌ ముగించారు

‘ఫ్యామిలీస్టార్‌’గా ప్రేక్షకుల్ని అలరించేందుకు సిద్ధమయ్యారు విజయ్‌ దేవరకొండ. ఆయన హీరోగా నటించిన ఈ చిత్రాన్ని పరశురామ్‌ తెరకెక్కించారు. దిల్‌రాజు, శిరీష్‌ సంయుక్తంగా నిర్మించారు. మృణాల్‌ ఠాకూర్‌ కథానాయిక. ఈ సినిమా తాజాగా చిత్రీకరణ పూర్తి చేసుకుంది. ఈ విషయాన్ని విజయ్‌ సామాజిక మాధ్యమాల వేదికగా అభిమానులతో పంచుకున్నారు. ఫ్యామిలీ, క్లాస్‌, మాస్‌, లవ్‌, యాక్షన్‌.. ఇలా అన్ని రకాల వాణిజ్యాంశాలు నిండిన ఆసక్తికర కథాంశంతో ఈ చిత్రం రూపొందింది. ప్రస్తుతం నిర్మాణానంతర పనుల్లో ఉన్న ఈ సినిమా ఏప్రిల్‌ 5న ప్రేక్షకుల ముందుకు రానుంది. ఈ చిత్రానికి సంగీతం: గోపీసుందర్‌, ఛాయాగ్రహణం: కేయూ మోహనన్‌.