Gangs of Godavari: ‘గ్యాంగ్స్‌ ఆఫ్‌ గోదావరి’ మరోసారి వాయిదా.. న్యూ రిలీజ్‌ డేట్‌ ఇదే..

ఇంటర్నెట్‌ డెస్క్: విశ్వక్‌ సేన్‌ (Vishwak Sen) హీరోగా కృష్ణచైతన్య రూపొందించిన చిత్రం ‘గ్యాంగ్స్‌ ఆఫ్‌ గోదావరి’ (Gangs of Godavari). నేహాశెట్టి (Neha Shetty) హీరోయిన్‌. పలుమార్లు వాయిదా పడుతూ వచ్చిన ఈ సినిమాని మరోసారి పోస్ట్‌పోన్‌ చేశారు దర్శక, నిర్మాతలు. మే 17న విడుదల కావాల్సిన ఈ మూవీని మే 31న రిలీజ్‌ చేయనున్నట్టు గురువారం ప్రకటించారు. ఈమేరకు సోషల్‌ మీడియా వేదికగా పోస్టర్‌ పంచుకున్నారు.

విశ్వక్‌సేన్‌ స్వీయ దర్శకత్వంలో నటించిన ‘ఫలక్‌నుమా దాస్‌’ 2019 మే 31న విడుదలై, మంచి విజయం అందుకుంది. ఈ విషయాన్ని గుర్తుచేస్తూ అదే తేదీన విశ్వక్‌ మరోసారి చరిత్ర సృష్టించబోతున్నాడని చిత్ర బృందం పేర్కొంది. ఈ యాక్షన్‌ ఫిల్మ్‌ గతేడాది డిసెంబరులోనే విడుదల కావాల్సింది. ఆ తర్వాత మార్చికి వాయిదా పడింది.