Prabhas: ‘కన్నప్ప’లో ప్రభాస్‌.. అప్‌డేట్‌ ఇచ్చిన మంచు విష్ణు

ఇంటర్నెట్‌ డెస్క్‌: మంచు విష్ణు (Manchu Vishnu) డ్రీమ్‌ ప్రాజెక్టు ‘కన్నప్ప’ (Kannappa). ఈ సినిమాలో ప్రభాస్‌ (Prabhas) నటించనున్నారంటూ ఇటీవల ప్రచారం జరిగిన సంగతి తెలిసిందే. తాజాగా అధికారిక ప్రకటన వెలువడింది. సోషల్‌ మీడియా వేదికగా ఫ్యాన్స్‌కు సర్‌ప్రైజ్‌ ఇచ్చారు విష్ణు. ప్రభాస్‌ సెట్స్‌లో అడుగుపెట్టారని తెలియజేస్తూ.. ఓ ఫొటో పంచుకున్నారు. అందులో ప్రభాస్‌ ముఖాన్ని రివీల్‌ చేయలేదు. కాళ్లను మాత్రమే చూపించారు. శివ భక్తుడైన నందీశ్వరుడుగా ప్రభాస్‌ కనిపించనున్నారని తెలుస్తోంది. కొన్ని రోజుల క్రితమే బాలీవుడ్‌ నటుడు అక్షయ్‌కుమార్‌ (Akshay Kumar) పాత్రకు సంబంధించిన చిత్రీకరణ పూర్తయిన సంగతి తెలిసిందే.

ఈ చిత్రాన్ని పాన్‌ ఇండియా స్థాయిలో దర్శకుడు ముఖేశ్‌ కుమార్‌ సింగ్‌ తెరకెక్కిస్తున్నారు. మోహన్‌బాబు, మోహన్‌లాల్‌, శివ రాజ్‌కుమార్‌, శరత్‌కుమార్‌ కీలక పాత్రల్లో కనిపించనున్నారు. ప్రస్తుతం ముగింపు దశ చిత్రీకరణలో ఉన్న ఈ సినిమా త్వరలో ప్రేక్షకుల ముందుకురానుంది.