ఏ దర్శకుడికి గెలిచే ‘ఆస్కార’మో!
ఆస్కార్ పురస్కారాల్లో కీలకమైన వాటిల్లో ఒకటి ఉత్తమ దర్శకుడు. ఈ ఏడాది ఈ అవార్డుని గెలుచుకునేది ఎవరనే విషయంలో ఆసక్తి నెలకొంది.
ఆస్కార్ పురస్కారాల్లో కీలకమైన వాటిల్లో ఒకటి ఉత్తమ దర్శకుడు. ఈ ఏడాది ఈ అవార్డుని గెలుచుకునేది ఎవరనే విషయంలో ఆసక్తి నెలకొంది. ఈసారి రేసులో తొలిసారి నామినేషన్ దక్కించుకున్న వాళ్లు మొదలు గతంలో ఆస్కార్ అందుకున్న వాళ్లకు ఉన్నారు. మరి చివరికి ఎవరిని పురస్కారం వరిస్తుందో కొన్ని రోజుల్లో తేలిపోనుంది. బరిలో ఉన్న దర్శకులెవరు? వాళ్లు తీర్చిదిద్దిన చిత్రాల విశేషాలేంటి?.
స్పీల్బర్గ్ ఆటోబయోగ్రఫీ
ఈ ఏడాది ఉత్తమ దర్శకుడు విభాగంలో నామినేషన్ దక్కించకున్నారు ప్రముఖ దర్శకుడు స్టీవెన్ స్పీల్బర్గ్. ‘ది ఫాబెల్స్మాన్’ చిత్రానికి ఈ నామినేషన్ వచ్చింది. ఆయన తన ఆటోబయోగ్రఫీనే సినిమాగా తీసారు. బాల్యంలో ఉన్నప్పటి నుంచి ఆయనకు తన కెమరాతో సినిమాలు తీయాలని ఉండేది. సినిమాలు తీస్తూ జీవితంలో ఆయనకి ఎదురైన పరిస్థితులని ఇందులో చూపించారు. హాలీవుడ్లో కొత్త శకానికి నాంది పలికిన వ్యక్తి. చలనచిత్ర దర్శకుడు, నిర్మాతగా బ్లాక్బస్టర్ సినిమాలకు మార్గదర్శకుడు. 34 సినిమాలను తెరకెక్కించడంతో పాటు వాణిజ్యపరంగా విజయవంతమైన దర్శకుడు స్పీల్ బర్గ్. ఆయన ‘ది షుగర్ల్యాండ్ ఎక్స్ప్రెస్(1974)’తో దర్శకుడిగా తన ప్రయాణాన్ని ప్రారంభించారు. ఆయన మూడు అకాడమీ అవార్డులు, నాలుగు డైరెక్టర్స్ గిల్డ్ ఆఫ్ అమెరికా అవార్డ్స్తో సహా పలు పురస్కారాలు అందుకున్నారు. ఆయన ఏడు సినిమాలను నేషనల్ ఫిల్మ్ రిజిస్ట్రీ లైబ్రరీ ఆఫ్ కాంగ్రెస్లో చేర్చారు. 1995లో ఏఎఫ్ఐ లైఫ్ అచీవ్మెంట్ అవార్డు, 2015లో ప్రెసిడెన్షియల్ మెడల్ ఆఫ్ ఫ్రీడమ్ అవార్డు ..ఇలాంటి ఎన్నో అవార్డ్స్ను సొంతం చేసుకున్నారు.
డార్క్ కామెడీ చిత్రాలతో గుర్తింపు
లండన్కి చెందిన మెక్డొనాగ్ ఒక బ్రిటన్ నాటక రచయిత, దర్శకుడు. ఆయన దర్శకత్వం వహించిన ‘ది బన్షీస్ ఆఫ్ ఇనిషెరిస్(2022) చిత్రానికి 95వ అకాడమీ అవార్డ్స్లో ఉత్తమ దర్శకుడు విభాగంలో నామినేషన్ దక్కించుకున్నారు. ఈ చిత్రంలో కోల్మ్, పాడ్రాయిక్ అనే ఇద్దరి స్నేహం గురించి, వారిలో ఒకరు మాట్లాడకుండా ఉంటే ఎలాగైనా వారి స్నేహబంధాన్ని సరిచేసుకోవడానికి బయలుదేరిన పాడ్రాయిక్కు ఎదురైన పరిస్థితులను ఇందులో చూపించారు. డొనాగ్ డార్క్ కామెడీ చిత్రాలతో గుర్తింపు పొందారు.. 2003లో ‘ది పిల్లో మ్యాన్’తో తన కెరీర్ను ప్రారంభించారు..బ్రాడ్వేలో అనేక నాటకాలను రచించారు. ‘ది బ్యూటీ క్వీన్ ఆఫ్ లీనెన్(1996), ది క్రిప్పల్ ఆఫ్ ఇనిష్మాన్(1996), ది లోన్సమ్ వెస్ట్(1997) నాటకాలు ఆయనకు మంచి గుర్తింపు తెచ్చాయి.
సంగీత వీడియోతో దర్శకులుగా డానియల్స్..
అమెరికన్ దర్శకులు డానియల్ క్వాన్, డానియల్ స్కీనెర్ట్లు ‘ఎవ్రీథింగ్ ఎవ్రీవేర్ ఆల్ ఎట్ వన్స్(2022)’ చిత్రానికి 95వ అకాడమీ అవార్డులో ఉత్తమ దర్శకుడు విభాగంలో నామినేట్ అయ్యారు. వీళ్లని డానియల్స్ అని పిలుస్తారు. ఒక చైనీస్ వలసదారు తన కుటుంబాన్ని మల్టీవర్స్ కలిగించే ప్రమాదాల నుంచి ఎలా కాపాడుకుంటుందో ‘ఎవ్రీథింగ్ ఎవ్రీవేర్ ఆల్ ఎట్ వన్స్’లో చూపించారు. ఈ ఇద్దరూ ‘టర్న్ డౌన్ ఫర్ వాట్ (2013)’లో సంగీత వీడియోతో దర్శకులుగా తమ వృత్తిని ప్రారంభించారు. వాస్తవిక కామెడీ చిత్రం ‘స్విస్ ఆర్మీ మ్యాన్’కు దర్శకత్వం వహించి 2016లో సినిమాల్లోకి అడుగుపెట్టారు. 2022లో చికాగో ఫిల్మ్ క్రిటిక్స్ అసోసియేషన్ అవార్డ్స్, డల్లాస్-ఫోర్ట్ వర్త్ ఫిల్మ్ క్రిటిక్స్ అసోసియేషన్ అవార్డ్స్లో ఉత్తమ దర్శకులుగా అవార్డును గెలుచుకున్నారు.
వ్యంగ్య చిత్రాలు తీయడంలో దిట్ట
95వ అకాడమీ అవార్డ్స్లో ఉత్తమ దర్శకుడు విభాగంలో నామినేట్ అయిన మరో దర్శకుడు రూబెన్ ఓస్ట్లండ్. ఆయన బ్లాక్ కామెడీ, వ్యంగ్య చిత్రాలు తీయడంలో గుర్తింపు పొందిన స్వీడిష్ చిత్రనిర్మాత. ఆయన ఆంగ్ల భాషలో తెరకెక్కించిన మొదటి సినిమా ‘ట్రయాంగిల్ ఆఫ్ సాడ్నెస్(2022)’తో విమర్శకుల నుంచి ప్రశంసలు అందుకున్నారు. కొందరు సాధారణ ప్రజలు సంపన్న అతిథులతో కలిసి ఓడలో విహారయాత్రకు వెళ్తే, అక్కడ వారు ఎదుర్కొన్న పరిణామాలను ఈ సినిమాలో చూపించారు. ఆయన దర్శకత్వం వహించిన ‘ది స్క్వేర్(2018)’ చిత్రం కేన్స్ ఫిల్మ్ ఫెస్టివల్ పోటీలో ‘పామ్ డిఓర్’ని గెలుచుకుంది. 2020లో ఆయన స్వీడన్ చలనచిత్రం రంగంలో చేసిన గణనీయమైన కృషికి బంగారు పతకాన్ని సొంతం చేసుకున్నారు.
విభిన్న సామర్థ్యాల టాడ్ ఫీల్డ్
నటుడు, దర్శకుడు, స్క్రీన్ రైటర్గా విభిన్న సామర్థ్యాలలో పనిచేసిన అమెరికాకి చెందిన విలియం టాడ్ ఫీల్డ్ ‘టార్’ చిత్రంతో ఈ ఏడాది అకాడమీ అవార్డ్స్లో ఉత్తమ దర్శకుడు విభాగంలో నామినేషన్ దక్కించుకున్నారు. కండక్టరుగా పని చేస్తున్న లిడియా టార్, ఆమెకి ఎదురైన లైంగిక వేధింపుల ఆరోపణలను ఏవిధంగా ఎదుర్కొని సంగీత విద్వాంసురాలిగా నిలిచిందనేది ఇందులో చూపించారు. ఆయన ‘ది బెడ్రూమ్(2001), లిటిల్ చిల్డ్రన్(2006) చిత్రాలకు దర్శకత్వం వహించారు. ‘టార్’ లండన్ ఫిల్మ్క్రిటిక్స్ సర్కిల్ ద్వారా 2022లో ఉత్తమ చిత్రంగా ఎంపికయ్యింది. ఆయన బ్రిటిష్ ఫిల్మ్ ఇన్స్టిట్యూట్లో ‘సత్యజిత్ రే’ అవార్డును, సన్డాన్స్ ఫిల్మ్ ఫెస్టివల్లో జ్యూరీ ప్రైజ్ను అందుకున్నారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
అందుకే ముద్దు సన్నివేశాలకు నో చెబుతాను: మృణాల్ ఠాకూర్
ముద్దు సన్నివేశాలకు నో చెప్పిన కారణంగా అవకాశాలు కోల్పోయినట్లు మృణాల్ ఠాకూర్ చెప్పారు. -
వైవిధ్య చిత్రాలు వచ్చేస్తున్నాయ్.. ఈ వారం థియేటర్/ఓటీటీ చిత్రాలివే!
గత నెల రోజులుగా బాక్సాఫీస్ వద్ద వరుసగా సినిమాలు విడుదలవుతున్నా, పెద్దగా మెప్పించినవి ఏవీ లేవు. మే మొదటి వారంలో పలు వైవిధ్య చిత్రాలు ప్రేక్షకుల ముందుకు రాబోతున్నాయి. మరి అటు థియేటర్, ఇటు ఓటీటీలో అలరించే చిత్రాలేంటో చూసేయండి -
పేరు ఊరిస్తోంది
విజయవంతమైన కలయికల్ని పునరావృతం చేయడమన్నది చిత్రసీమలో తరచూ కనిపిస్తూనే ఉంటుంది. ఈ తరహావి ప్రేక్షకుల్లో అంచనాల్ని అమాంతం పెంచేస్తుంటాయి. అంతేకాదు ఇవి మార్కెట్ను బలంగా ప్రభావితం చేస్తుంటాయి. -
బంగారం అంటే మెరవాలా?
సమంత పునరాగమనం ఏ సినిమాతో అనేది ఖరారైంది. సొంత నిర్మాణంలోనే ఆ చిత్రం రూపుదిద్దుకోనుంది. ఇటీవలే ఆమె ట్రాలాలా మూవింగ్ పిక్చర్స్ పేరుతో ఓ నిర్మాణ సంస్థని ప్రారంభించిన విషయం తెలిసిందే. -
ఇక్కడ ఎవరికి వారే హీరో
‘‘స్వేచ్ఛ కోసం అందాన్ని సైతం ఆయుధంగా ఉపయోగించుకునే కళ ఈ బిబ్బోజాన్కు మాత్రమే తెలుసు’’ అంటూ ఇటీవలే ‘హీరామండీ: ది డైమండ్ బజార్’లోని తన పాత్రను పరిచయం చేసింది అదితిరావ్ హైదరి. -
శరవేగంగా.. ‘ఐడెంటిటీ’
టోవినో థామస్, త్రిష జోడీగా అఖిల్ పాల్, అనాస్ఖాన్ తెరకెక్కిస్తున్న క్రైమ్ థ్రిల్లర్ ‘ఐడెంటిటీ’. ‘2018’ సంచలనం విజయం తర్వాత ఈ సినిమా వస్తుండటంతో దీనిపై అంచనాలు భారీగా పెరిగాయి. మరోవైపు త్రిష నాయిక కావడం ఆసక్తి రేకెత్తిస్తోంది. -
‘థగ్లైఫ్’ గీత రచయితగా..
అగ్ర కథానాయకుడు కమల్ హాసన్ విలక్షణమైన నటనతోనే కాదు.. దర్శక నిర్మాతగా, స్క్రిప్ట్ రచయితగా, గాయకుడిగానూ గతంలో మెప్పించారు. ఆయన కథానాయకుడిగా తెరకెక్కుతున్న ‘థగ్ లైఫ్’తో గీత రచయితగా మరోసారి ప్రయోగం చేశారు. -
రణ్వీర్తో త్వరలోనే..
హిందీ మొదలుకొని మలయాళం వరకూ అన్ని పరిశ్రమల తారల్నీ భాగం చేస్తూ తాను సినిమాల్ని చేయనున్నట్టు ఇటీవలే ప్రకటించారు ప్రశాంత్వర్మ. సంచలన విజయం సాధించిన ‘హను-మాన్’ చిత్రంతోనే పీవీసీయూ (ప్రశాంత్ వర్మ సినిమాటిక్ యూనివర్స్) పేరుతో తనదైన కథల ప్రపంచాన్ని తెరపై ఆవిష్కరించడం మొదలు పెట్టారు. -
కథ కుదిరింది
గతేడాది ‘విరూపాక్ష’, ‘బ్రో’ సినిమాలతో సినీప్రియుల్ని అలరించారు సాయిదుర్గా తేజ్. ఆ తర్వాత మళ్లీ ఇంతవరకు కొత్త కబురు వినిపించలేదు. ఆ మధ్య సంపత్ నంది దర్శకత్వంలో ఓ చిత్రం చేస్తున్నట్లు ప్రకటన వచ్చినా కొన్ని కారణాల వల్ల అది కార్యరూపం దాల్చలేదు. -
థ్రిల్ ప్రాప్తిరస్తు
ప్రియదర్శి హీరోగా నటించనున్న కొత్త చిత్రం ఖరారైంది. రానా దగ్గుబాటి స్పిరిట్ మీడియా, శ్రీ వెంకటేశ్వర ఏషియన్ సినిమాస్ ఎల్ఎల్పీ సంస్థలు సంయుక్తంగా సమర్పిస్తున్న ఈ సినిమాతో నవనీత్ శ్రీరామ్ దర్శకుడిగా పరిచయం కానున్నారు. -
‘దేవర’లో కీలక పాత్ర.. అల్లరి నరేశ్ ఏమన్నారంటే?
‘దేవర’ సినిమా విషయంలో తనకెదురైన ప్రశ్నపై అల్లరి నరేశ్ స్పందించారు. -
నేనెందుకు సమాధానం చెప్పాలి?: వరలక్ష్మీ శరత్కుమార్
నెగెటివ్ కామెంట్స్ను తాను పట్టించుకోనన్నారు నటి వరలక్ష్మీ శరత్కుమార్. -
ఇండస్ట్రీలో ఇలాంటి వ్యక్తిని నేను చూడలేదు: తమన్నా
ఇండస్ట్రీలో ఇలాంటి వ్యక్తిని చూడలేదంటూ ఓ హీరోయిన్ని ప్రశంసించారు తమన్నా. ఆమె ఎవరంటే? -
చీరలో మెరిసిన అందాల ‘రాశి’.. కాలేజీ ఈవెంట్లో మాళవిక సందడి
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ..
తాజా వార్తలు (Latest News)
-
ఇసుక అక్రమ తవ్వకాలు.. ఏపీ ప్రభుత్వానికి సుప్రీంకోర్టులో ఎదురుదెబ్బ
-
4 రోజుల్లో 1800 కి.మీ పారిపోయినా.. పోలీసులకు చిక్కిన నటుడు..!
-
భాజపా సొంతంగా 370 సీట్లు సాధిస్తుంది: కేంద్రమంత్రి నిర్మలా సీతారామన్
-
పొన్నూరులో రూ.2,500 కోట్లకు పైగా సహజ వనరుల దోపిడీ: తెదేపా మాజీ ఎమ్మెల్యే ధూళిపాళ్ల
-
చిన్నారులతో ప్రపంచ కప్ జట్టు ప్రకటన.. వీడియో వైరల్
-
గెలవడం కష్టమే అనుకున్నా.. మ్యాచ్ టర్నింగ్ స్పెల్ జడ్డూదే: రుతురాజ్