#OMGDaddy: ఫుల్‌ సాంగ్‌ చూశారా?

హైదరాబాద్‌: అల్లు అర్జున్‌ కథానాయకుడిగా త్రివిక్రమ్‌ దర్శకత్వంలో తెరకెక్కిన చిత్రం ‘అల వైకుంఠపురములో’. పూజా హెగ్డే కథానాయిక. ఈ ఏడాది సంక్రాంతి కానుకగా ప్రేక్షకుల ముందుకు వచ్చిన ఈ చిత్రం బాక్సాఫీస్‌ వద్ద ఘన విజయాన్ని సొంతం చేసుకుంది. అల్లు అర్జున్‌ నటన, త్రివిక్రమ్‌ టేకింగ్‌, పూజా హెగ్డే అందాలు సినిమాను మరో స్థాయికి తీసుకెళ్లాయి. ముఖ్యంగా తమన్‌ అందించిన పాటలు నెటిజన్లను ఓ ఊపు ఊపేశాయి.

‘సామజవరగమన’, ‘బుట్టబొమ్మ’, ‘ఓ మై గాడ్‌ డాడీ’ పాటలు యువతను విశేషంగా అలరించాయి. ఇటీవల ‘సామజవరగమన’ ఫుల్‌ సాంగ్‌ను విడుదల చేసిన చిత్ర బృందం. తాజాగా ‘మై గాడ్‌ డాడీ’ పాటను అభిమానులతో పంచుకుంది. తమన్‌ అందించిన స్వరాలకు కృష్ణచైతన్య సాహిత్యం అందించగా, తెలుగు ర్యాపర్‌ రోల్‌ రైడా, బ్లేజీలు ఈ గీతాన్ని ఆలపించారు.