‘డార్లింగ్’ మూవీ కోసం రిస్క్ చేసిన కరుణాకరన్
‘డార్లింగ్’ ఈ పేరు వినగానే సినీ అభిమానులకు గుర్తొచ్చే పేరు ప్రభాస్. తనతో స్నేహం చేసే ప్రతి ఒక్కరినీ ‘డార్లింగ్’ అంటూ పిలవడం ఆయనకు అలవాటన్నది
‘డార్లింగ్’ ఈ పేరు వినగానే సినీ అభిమానులకు గుర్తొచ్చే పేరు ప్రభాస్. తనతో స్నేహం చేసే ప్రతి ఒక్కరినీ ‘డార్లింగ్’ అంటూ పిలవడం ఆయనకు అలవాటు. అలా ఆ పేరుతోనే సినిమా తీసి, స్నేహితులతోనే కాదు, యావత్ తెలుగు సినీ ప్రేక్షకులతో ‘డార్లింగ్’ అనిపించుకున్నారు ప్రభాస్. కరుణాకరణ్ దర్శకత్వంలో వచ్చి ఈ చిత్రం విడుదలై నేటికి 10ఏళ్లు పూర్తి చేసుకుంది. రొమాంటిక్ కామెడీ ఎంటర్టైనర్గా 2010 23 ఏప్రిల్న ప్రేక్షకుల ముందుకు వచ్చిన ఈ సినిమా అందరి హృదయాలను గెలుచుకుని, బాక్సాఫీస్ వద్ద మంచి విజయాన్ని అందుకుంది.
కథేంటంటే: 1980 ఫ్లాష్ బ్యాక్తో సినిమా మొదలవుతుంది. కొందరు కళాశాల మిత్రులు ఫేర్వెల్ అయిపోయిన తర్వాత ఎప్పటికీ ఇలా కలుస్తూనే ఉండాలని అనుకుని వెళ్లిపోతారు. ఆ స్నేహితుల్లో హనుమంతరావు (ప్రభు) కొడుకు ప్రభాస్ (ప్రభాస్/ప్రభ), విశ్వనాథ్(ఆహుతి ప్రసాద్) కుమార్తె నందిని (కాజల్ అగర్వాల్). ఇద్దరూ వేర్వేరు ప్రాంతాల్లో పెరిగి పెద్దవాళ్లవుతారు. కాలేజ్లో ప్రభాస్ను చూసి నిషా (శ్రద్ధాదాస్) అతన్ని ప్రేమిస్తుంది. ప్రభాస్ కాదనడంతో ఆత్మహత్యయత్నం చేస్తుంది. ఈ విషయం నిషా తండ్రి (ముకేశ్ రుషి)కి తెలిసి ఎలాగైనా ప్రభాస్ను తీసుకొచ్చి పెళ్లి చేస్తానని మాటిస్తాడు. తన మనుషుల్ని పంపి ప్రభాస్ స్నేహితులను బంధించి ‘నువ్వు రాకపోతే నీ వాళ్లను చంపేస్తా’ అని బెదిరిస్తాడు. స్నేహితులను కాపాడుకునేందుకు వచ్చిన ప్రభ ఏం చేశాడు? నిషాను పెళ్లి చేసుకున్నాడా? నందినిని ఎలా కలుసుకున్నాడు? అన్నదే కథ.
సరదాగా సాగిపోతూ..
ప్రభాస్ నుంచి ప్రేక్షకులు మాస్ సినిమానే ఆశిస్తారు. కానీ, ‘డార్లింగ్’లాంటి లవ్ ఎంటర్టైనర్తోనూ మెప్పించగలనని నిరూపించారాయన. ఎందుకంటే ఈ సినిమాకన్నా ముందు ఆయన నటించిన సినిమాలన్నీ ఆ కోవకు చెందినవే. ప్రథమార్ధమంతా సరదాగా సాగిపోతుంది. స్నేహితులను కాపాడుకునేందుకు నిషా తండ్రికి తన ప్రేమ కథను చెబుతాడు ప్రభాస్. తన స్నేహితులతో స్విట్జర్లాండ్ వెళ్లడం, అక్కడ నందిని చూసి ప్రేమించడం, ప్రభాస్, నందినిల మధ్య వచ్చే సరదా సన్నివేశాలతో ఫస్టాఫ్ అంతా హాయిగా గడిచిపోతుంది. ఇంటర్వెల్ సమయానికి ట్విస్ట్ ఇచ్చాడు దర్శకుడు. అదంతా అబద్ధమని చెప్పడంతో థియేటర్లోని ప్రేక్షకుడు షాక్కు గురవుతాడు. ఆ తర్వాత తన తండ్రితో కలిసి అతడి స్నేహితుల రీయూనియన్ కార్యక్రమానికి అరకు వెళతాడు. స్విట్జర్లాండ్ నుంచి వచ్చిన అక్కడకు నందిని ప్రేమను పొందడానికి ప్రభాస్ చేసే ప్రయత్నాలు కూడా నవ్వు పుట్టిస్తాయి. అయితే, చివర్లో దర్శకుడు ఇచ్చిన మరో ట్విస్ట్ ఆశ్చర్యపరుస్తుంది. విశ్వనాథ్, అతడి తండ్రి (కోట శ్రీనివాసరావు) మేనల్లుడైన రిషిని అప్పల్రాజు కొడుకుగా పరిచయం చేసి అతడితో నందని పెళ్లి చేయాలని అనుకుంటారు. చివరకు నందిని తన ప్రేమను ప్రభాస్కు చెప్పడం, ప్రభాస్ చెప్పిందంతా అబద్ధమని నిషా తండ్రికి తెలిసి దాడి చేయడానికి రావడంతో చివరిలో ప్రభాస్-నందినిల ప్రేమ తెలుసుకుని వెళ్లిపోవడంతో కథ సుఖాంతం అవుతుంది.
రిస్క్ చేసిన కరుణాకరన్
‘తొలిప్రేమ’తో మంచి గుర్తింపు తెచ్చుకున్న దర్శకుడు కరుణాకరన్. ఆయన నుంచి సినిమా వస్తుందంటే అందరిలోనూ ఆసక్తే. పైగా ప్రభాస్ కథానాయకుడు కావడంతో అది మరింత ఎక్కువగా ఉంటుంది. అయితే, ‘డార్లింగ్’ సినిమా కోసం దర్శకుడు కరుణాకరన్ రిస్క్ చేశారు. ఎలా అంటే, ఈ సినిమా కథ, స్క్రీన్ప్లే కాస్త భిన్నంగా ఉంటుంది. స్విట్జర్లాండ్లో నందినితో ప్రేమ కథ అంతా అబద్ధమని తెలిసిన తర్వాత థియేటర్లో సినిమా చూస్తున్న ప్రేక్షకుడు ఆశ్చర్యపోతాడు. అదే సమయంలో దర్శకుడు చీట్ చేశాడని అనిపిస్తుంది. దీనిపై ఒకానొక సందర్భంలో కరుణాకరన్ మాట్లాడుతూ..‘నేనెప్పుడూ కొత్త జానర్లో స్టోరీ నరేట్ చేయడానికే ప్రయత్నిస్తా. రొటీన్గా నేరుగా స్టోరీ చెప్పడం ఒకటి. కానీ, ఏదో ట్విస్ట్ ఉండాలి. ఒక అమ్మాయి.. అబ్బాయి.. ఒకరినొకరు ప్రపోజ్ చేసుకుంటారు. ఆ తర్వాత ప్రేమించుకుంటారు. ఇది ఎవరైనా తీస్తారు. అందుకే నేను ఏ విధంగా కొత్తగా చెప్పాలన్నది ప్రయత్నించా. నిజం చెప్పాలంటే ‘డార్లింగ్’ సినిమా రిస్క్ చేశా. ఫస్టాప్ అబద్ధమని తెలిసిన తర్వాత నన్ను చాలా మంది తిట్టారు. కానీ, ప్రభాస్-కాజల్ నటన, కామెడీ టైమింగ్ సినిమాను నిలిపాయి’’ అని చెప్పుకొచ్చారు.
అలరించిన జీవీ ప్రకాశ్ సంగీతం
ఈ సినిమాకు మరో హైలైట్ జీవీ ప్రకాశ్ కుమార్ అందించిన సంగీతం. ‘నీవే నీవే..’ ‘ఇంకా ఏదో’ పాటలు, వాటి పిక్చరైజేషన్ యువ హృదయాలను మెప్పిస్తాయి. మరీ ముఖ్యంగా ‘ఇంకా ఏదో’ పాటలో గోల్కొండ కోట, చార్మినార్లపై మంచు కురవడం, హుస్సేన్సాగర్ మొత్తం గడ్డకట్టి మంచుతో నిండిపోవడం భలే సరదాగా అనిపిస్తాయి. ఇక సినిమాలో చెప్పుకోవాల్సినవి పీటర్ హెయిన్స్ ఫైట్స్. భారీ ఫైట్స్ లేకపోయినా ప్రభాస్ అభిమానులను మెప్పిస్తాయి.
స్వామి.. ‘డార్లింగ్ స్వామి’ అయిపోయారు
ఈ చిత్రానికి మాటలు రాసిన రచయిత స్వామి ‘డార్లింగ్’ స్వామి అయిపోయారు. ఈ సినిమా తర్వాత ఆయన ప్రభాస్ ‘రెబల్’కు డైలాగ్లు రాశారు. అప్పుడు తెరపై స్వామి పేరు వేయాల్సి రాగా, దర్శకుడు లారెన్స్ పిలిచి, ‘ఆ సినిమా మంచి హిట్టయింది కదా! అందుకే ఇక నుంచి మీ స్క్రీన్ నేమ్ ‘డార్లింగ్ స్వామి’ అని పెట్టుకోండి. ఈ సినిమాకు కూడా అలాగే వేద్దాం’ అని అన్నారట. దాంతో రచయిత స్వామి, డార్లింగ్ స్వామి అయిపోయారు.
ఇక్కడే కాదు.. హిందీలోనూ ఆదరణ
ఈ సినిమాను కన్నడ, ఉర్దూ భాషల్లో రీమేక్ చేశారు. హిందీలో ‘సబ్సే బద్కర్ హమ్’ పేరుతో డబ్బింగ్ చేసి యూట్యూబ్లో విడుదల చేయగా, 15మిలియన్ వ్యూస్కుపైగా సాధించింది. ఇక అవార్డుల విషయానికొస్తే, ఉత్తమ ఎడిటర్, ఉత్తమ డబ్బింగ్ ఆర్టిస్ట్ కేటగిరిలో నంది అవార్డులను సొంతం చేసుకోగా, ఉత్తమ నటుడిగా సినిమా మా జ్యూరీ అవార్డును ప్రభాస్ అందుకున్నారు. ఉత్తమ ఛాయాగ్రాహకుడిగా ఆండ్ర్యూ సంతోషం ఫిల్మ్ అవార్డును సొంతం చేసుకున్నారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రామానాయుడి ఔదార్యం!
సురేష్ ప్రొడక్షన్స్ బ్యానర్పై ఎన్నో విజయవంతమైన చిత్రాలు తీసి, మూవీ మొఘల్ అనిపించుకున్నారు దివంగత నిర్మాత డి.రామానాయుడు. -
క్రమశిక్షణలో ఎన్టీఆర్ కాఠిన్యం!
షూటింగ్ జరుగుతున్న రోజుల్లో, కె.ఆర్.విజయ సెట్టుకి ఆలస్యంగా రావడమే కాకుండా, సమాచారం లేకుండా రెండు రోజులు షూటింగ్కు రాలేదు. -
కెమెరాకు సైతం అందని ఎన్టీఆర్ పరుగు.. పులితో ఛేజింగ్ సీక్వెన్స్ ఇలా..
ఎన్టీఆర్ పరిచయ సన్నివేశంలో పులితో ఛేజింగ్ చేసే సీన్ ఎలా తీశారో ‘ఆర్ఆర్ఆర్’ కెమెరామెన్ సెంథిల్కుమార్ ఇటీవల పంచుకున్నారు. -
పాపం చిరంజీవి వస్తున్నారనుకొని...
అప్పట్లో సినిమా నటులంటే ప్రేక్షకులకు విపరీతమైన అభిమానం. ఒకరకంగా తమ అభిమాన కథానాయకుడిని దైవంతో సమానంగా చూసేవారు. ఎదుటివారు దూషించినా, కనీసం చెడుగా మాట్లాడినా పెద్ద పెద్ద గొడవలే జరిగేవి. -
అల్లు అర్జున్ సినిమాలో నటించే అవకాశం వచ్చింది.. కానీ: విశాల్
‘రత్నం’ సినిమా ప్రమోషన్స్లో భాగంగా నటుడు విశాల్ పలు ఆసక్తికర విశేషాలు పంచుకున్నారు. -
ఆయన మీద పీకలదాకా కోపం వచ్చింది!
వైవిధ్యమైన పాత్రల్లో... విలక్షణమైన నటనతో సినీ ప్రేక్షకుల గుండెల్లో చెరగని ముద్ర వేసుకున్న ఎస్వీ రంగారావు (S V Ranga Rao) తొలిసారి కెమెరా ముందు ఎలాంటి అనుభవం పొందారనేది ఎంతో ఆసక్తికరం. తన తొలినాటి సినీ అనుభవం గురించి ఎస్వీఆర్ ఓ సందర్భంలో వ్యాసం రాశారు. -
ఆ హిట్ మూవీలో సమంతను వద్దనుకున్న సుకుమార్.. కానీ ఏం జరిగిందంటే!
‘రంగస్థలం’లో మొదట సమంతను వద్దనుకున్నట్లు సుకుమార్ తెలిపారు. ఆ తర్వాత ఆమె నటనకు ఆశ్చర్యపోయినట్లు చెప్పారు. -
నాగబాబుపై ‘చిరు’ కోపం!
అగ్ర కథానాయకుడు చిరంజీవి (Chiranjeevi) సోదరుడిగా నాగబాబు పలు చిత్రాల్లో నటించి మెప్పించారు. అన్నదమ్ములిద్దరూ కలిసి నటించిన సందర్భాలూ ఉన్నాయి. -
Venky: 20 ఏళ్ల ‘వెంకీ’.. ఈ హిట్ మూవీ మిస్సైన హీరోయిన్ ఎవరంటే?
రవితేజ హీరోగా దర్శకుడు శ్రీను వైట్ల తెరకెక్కించిన ‘వెంకీ’ చిత్రం 20 ఏళ్లు పూర్తి చేసుకుంది. ఈసందర్భంగా ఆ సినిమా గురించి పలు ఆసక్తికర విశేషాలు.. -
Brindha Sivakumar: మణిరత్నం ‘హీరోయిన్ ఛాన్స్’ వదులుకున్న బృందా.. సూర్య సోదరి గురించి మీకు తెలుసా?
ప్రముఖ హీరోలు సూర్య, కార్తి సోదరి గురించి ఆసక్తికర విశేషాలివీ.. -
gautham Menon:ఆ కీలక పాత్రలకు వారిని అనుకున్నా: గౌతమ్మేనన్
సూర్య ప్రధాన పాత్రలో నటించిన ‘సూర్య సన్నాఫ్ కృష్ణన్’ చిత్రం గురించి ఆసక్తికర వ్యాఖ్యలు చేశారు. -
Prithviraj Sukumaran: రెండు ఆఫర్లు ఇచ్చిన చిరంజీవి.. తిరస్కరించిన పృథ్వీరాజ్ సుకుమారన్.. కారణమదే
చిరంజీవి ఇచ్చిన రెండు ఆఫర్లను ఓ సినిమా కారణంగా తిరస్కరించాల్సి వచ్చిందని మలయాళ నటుడు పృథ్వీరాజ్ సుకుమారన్ తెలిపారు. -
RRR Movie: ‘ఆర్ఆర్ఆర్’ ప్రీక్లైమాక్స్లో చేసిన మార్పు ఇదే.. జెన్నీ పాత్ర చనిపోతుందట!
ఎన్టీఆర్, రామ్చరణ్లు నటించిన ‘ఆర్ఆర్ఆర్’ గురించి ఆ చిత్ర దర్శకుడు రాజమౌళి ఆసక్తికర విషయాన్ని పంచుకున్నారు. -
Mohan Babu: మోహన్బాబు అలా ‘అల్లుడుగారు’ అయ్యారు.. అదరగొట్టారు
నేడు మోహన్బాబు పుట్టినరోజు. ఈ సందర్భంగా ‘అల్లుడుగారు’ సినిమా సంగతులు చూద్దాం.. -
Deepika Padukone: అలా మిస్సై.. ‘కల్కి 2898ఏడీ’తో సిద్ధమై: దీపికా టాలీవుడ్ ఎంట్రీ సంగతులివీ..
ప్రముఖ నటి దీపికా పదుకొణె టాలీవుడ్ ఎంట్రీ గురించి ఆసక్తికర విశేషాలివీ.. -
Daddy Movie: చిరంజీవి ‘డాడీ’ మూవీ వెంకటేశ్ చేస్తే సూపర్ హిట్ అయ్యేదట!
Daddy movie: ‘డాడీ’ మూవీ యావరేజ్గా ఆడటంపై చిరంజీవి ఓ సందర్భంలో ఆసక్తికర విషయాన్ని వెల్లడించారు. -
Prema: షూటింగ్లో నిజంగానే పాము కాటేసింది.. ఆ హిట్ సినిమాకు 25 ఏళ్లు..
నటి ప్రేమ (Prema) ప్రధానపాత్రలో నటించిన ‘దేవి’ (Devi) చిత్రం విడుదలై నేటికి 25ఏళ్లు పూర్తయింది. -
Sekhar Kammula: ఆ ఫీల్గుడ్ స్టోరీ.. పవన్ను దృష్టిలో పెట్టుకుని రాసిందే కానీ..!
ఓ హిట్ సినిమా స్టోరీని ప్రముఖ హీరో పవన్ కల్యాణ్ను దృష్టిలో పెట్టుకుని రాసుకున్నారు ఆ దర్శకుడు. ఆ ఆసక్తికర సంగతులివీ.. -
చిరు-నాగ్-వెంకటేశ్లతో మల్టీస్టారర్ తీయాలనుకున్నారు
ఒక టికెట్టుపై డబుల్ ధమాకా వినోదాల్ని పంచిచ్చేవి మల్టీస్టారర్ చిత్రాలు. అందుకే ఏ చిత్రసీమలోనైనా ఓ మల్టీస్టారర్ చిత్రం మొదలవుతుందంటే.. ప్రేక్షకుల చూపంతా అటువైపే మళ్లుతుంటుంది. -
Sharwanand: అందుకే శర్వానంద్ ఆ హిట్ మూవీకి ‘నో’ చెప్పారు.. సెకండ్ ఛాన్స్లోనూ!
హీరో శర్వానంద్ పుట్టిన రోజు నేడు. ఈ సందర్భంగా ఆయన గురించి ఆసక్తికర విషయం మీకోసం.. -
Mahesh Babu: మహేశ్ బాబును అనుకున్నారు.. తరుణ్తో తెరకెక్కించారు!
తరుణ్ నటించిన ఓ హిట్ చిత్రంలో.. ముందుగా మహేశ్ బాబును హీరోగా అనుకున్నారు నిర్మాత. కానీ, డైరెక్టర్ వద్దనుకున్నారు. అదే సినిమా అంటే?
తాజా వార్తలు (Latest News)
-
ఆర్చరీ వరల్డ్ కప్లో అదరగొట్టిన భారత్.. మూడు స్వర్ణాలు కైవసం
-
ఈనాడు.నెట్లో టాప్ 10 వార్తలు @ 1 PM
-
ఐదు రోజులుగా టీవీ నటుడు మిస్సింగ్.. కిడ్నాప్ అనుమానాలు..!
-
ఓటీటీలోకి ‘మంజుమ్మల్ బాయ్స్’.. స్ట్రీమింగ్ ఎప్పుడంటే
-
ఆ సమయంలో 32 కిలోల బరువు పెరిగాను: సోనమ్ కపూర్
-
క్రికెట్.. బేస్బాల్ గేమ్లా మారిపోతోంది: పంజాబ్ కెప్టెన్