వీవీఐటీలో ‘పలాస 1978’ చిత్ర బృందం సందడి

గుంటూరు: పల్నాడులో ‘పలాస 1978’ బృందం సందడి చేసింది. ఆంధ్రప్రదేశ్‌లోని శ్రీకాకుళం పరిసర ప్రాంతాల్లో ఒకప్పుడు చోటు చేసుకున్న యథార్థ సంఘటన ఆధారంగా ఈ సినిమా తెరకెక్కుతోంది. కరుణ కుమార్‌ దర్శకత్వం వహిస్తుండగా.. రక్షిత్‌, నక్షత్ర హీరోహీరోయిన్‌గా కనిపిస్తున్నారు. ధ్యాన్‌ అట్లూరి నిర్మాత. ఇటీవల విడుదలైన ఫస్ట్‌లుక్‌ అభిమానులను బాగా ఆకట్టుకుంది. ప్రముఖ గాయకుడు రఘుకుంచె విలన్‌ పాత్రలో కనిపించనుండటం విశేషం. ఆయనే సంగీతం అందిస్తున్నారు. సినిమా ప్రమోషన్‌లో భాగంగా గుంటూరులోని వీవీఐటీ (వాసిరెడ్డి వెంకటాద్రి ఇన్‌స్టిట్యూట్ ఆఫ్‌ టెక్నాలజీ)ని చిత్ర బృందం బుధవారం సందర్శించింది. ఈ సందర్భంగా విద్యార్థులతో కాసేపు ముచ్చటించింది. అనంతరం హీరోహీరోయిన్లతో విద్యార్థులు సెల్ఫీలు దిగారు.