జీవితం చాలా భయంకరంగా ఉంది: ఆర్జీవీ

ఇప్పటికీ ఆ పుస్తకాలు చదువుతున్నారా..!

హైదరాబాద్‌: ప్రస్తుతం నిజ జీవితం చాలా భయంకరంగా ఉందని అంటున్నారు ప్రముఖ దర్శకుడు రామ్‌గోపాల్‌ వర్మ. కరోనా మహమ్మారి కారణంగా ప్రపంచవ్యాప్తంగా క్లిష్ట పరిస్థితులు నెలకొని ఉన్న విషయం తెలిసిందే. మనదేశంలో కూడా రోజురోజూకీ విస్తరిస్తున్న కరోనా గురించి ప్రజలకు అవగాహన కల్పిస్తూ ఆర్జీవీ తనదైన శైలిలో ‘కరోనా ఓ పురుగు’ అని పేర్కొంటూ ఓ పాట కూడా పాడారు. ప్రపంచ పుస్తక దినోత్సవాన్ని పురస్కరించుకుని ప్రముఖ సంగీత దర్శకుడు కీరవాణి ట్విటర్‌ వేదికగా ఆర్జీవీని ఉద్దేశిస్తూ ఓ ట్వీట్‌ పెట్టారు. 

‘1988లో ఆర్జీవీ ఓ పుస్తకాల పురుగు అని నాకు తెలుసు. కానీ ఇప్పుడు ఆయన కరోనా పురుగును గురించి తెలుసుకునే విషయంలో బిజీగా ఉన్నారు. సర్‌, ఇప్పటికీ మీరు స్టీఫెన్ హాకింగ్‌ రచనలను చదువుతున్నారా?’ అని కీరవాణి ట్వీట్‌ చేశారు. మరోవైపు కీరవాణి పెట్టిన ట్వీట్‌పై ఆర్జీవీ స్పందిస్తూ.. ‘లేదు సర్ ఆయన రచనలను చదవడం లేదు. ఆయన రాసిన కల్పిత కథల కంటే మన నిజ జీవితం చాలా భయకరంగా ఉంది.’ అని ఆర్జీవీ అన్నారు.

ఇదీ చదవండి

‘కరోనా ఓ నీచమైన పురుగు’.. వర్మ పాట విన్నారా!