Kamal Haasan: రాజకీయాల్లో కొనసాగాలంటే సినిమాలు వదిలేయాలా?: కమల్‌ హాసన్‌

చెన్నై:  నటుడు విజయ్‌ (Vijay) ‘తమిళ వట్రి కళగం’ పేరుతో కొత్త రాజకీయ పార్టీ నెలకొల్పిన విషయం తెలిసిందే. లోక్‌సభ ఎన్నికల్లో పోటీ చేసేందుకు పూర్తిగా సినిమాలకు దూరంగా ఉంటానని విజయ్‌ ఇటీవల ప్రకటించారు. తాజాగా ఓ ఇంటర్వ్యూలో కమల్‌ హాసన్‌ని (Kamal Haasan) ఈ అంశంపై ప్రశ్నించగా ఆయన ఇలా స్పందించారు. 

‘‘ విజయ్‌కు శుభాకాంక్షలు. అతను రాజకీయాల్లోకి ప్రవేశించేందుకు ప్రోత్సహించిన వారిలో నేనూ ఉన్నాను. వీటి గురించి మేము చర్చించుకున్నాం.  ఒకదానిలో కొనసాగాలంటే మరో రంగాన్ని విడిపెట్టాలని లేదు. రాజకీయాలా? సినిమాలా? అన్నది విజయ్‌ వ్యక్తిగత అభిప్రాయం. ఆయన చేసే సినిమాలు విభిన్నంగా ఉంటాయి. నన్ను అలా చేయమంటే ఎలా? అద్భుతంగా పాటలు రాసే ఓ రచయితలా మీరు పాట రాయండి అంటే అది సాధ్యం కాదు. ఎవరి సామర్థ్యం వారిది. రాజకీయాల్లో ఉంటూనే సినిమాలు చేస్తాను ’’అని కమల్‌ హాసన్ వెల్లడించారు. 

కమల్‌ హాసన్‌ ప్రస్తుతం మణిరత్నం దర్శకత్వంలో ‘థగ్‌ లైఫ్‌’అనే చిత్రం నటిస్తున్నారు. మరోవైపు విజయ్‌ వెంకట్‌ ప్రభు తెరకెక్కిస్తున్న ‘ది గ్రేటెస్ట్‌ ఆఫ్‌ ఆల్‌ టైమ్‌’ మూవీ చేస్తున్నారు. సైన్స్ ఫిక్షన్‌ నేపథ్యంలో రూపొందుతున్న ఈ చిత్రంలో విజయ్‌ ద్విపాత్రాభినయంలో కనిపించనున్నారు.