Krithi Shetty: వారందరికీ ధన్యవాదాలు.. కృతిశెట్టి బర్త్‌డే పోస్ట్‌

హైదరాబాద్‌: ‘ఉప్పెన’తో తెలుగు ఆడియన్స్‌ను పలకరించింది హీరోయిన్‌ కృతి శెట్టి (Krithi Shetty). టాలీవుడ్‌లో తొలి సినిమాతోనే యూత్‌కు అభిమాన కథానాయికగా మారింది. నేడు ఈ యంగ్‌బ్యూటీ పుట్టినరోజు సందర్భంగా సోషల్‌ మీడియాలో అభిమానుల నుంచి శుభాకాంక్షలు వెల్లువెత్తుతున్నాయి. తన తదుపరి సినిమాలకు సంబంధించిన పోస్టర్లు, వీడియోలు కూడా ట్విటర్‌లో సందడి చేస్తున్నాయి. ఈ నేపథ్యంలో కృతి అభిమానులను ఉద్దేశిస్తూ ఓ నోట్‌ రాసింది. 

సాయి పల్లవి పెళ్లిపై మరోసారి రూమర్స్‌.. క్లారిటీ ఇచ్చిన దర్శకుడు

‘మరో ఏడాదిలోకి అడుగుపెట్టాను. ఎన్నో విషయాలపై కృతజ్ఞతతో ఉన్నాను. సంతోషం, ప్రేమ, బాధ, ద్వేషం.. ఇలా ఎన్నో భావోద్వేగాలను అనుభవించాను. అవన్నీ ఈ రోజు నన్ను ఈ స్థానంలో ఉండేలా చేశాయి. నాకెంతో సపోర్ట్‌ ఇస్తూ.. నాలో స్ఫూర్తి నింపుతున్న నా కుటుంబానికి ఎప్పటికీ రుణపడి ఉంటా. అలాగే నేను వేసే ప్రతి అడుగులో నన్ను ఆదిరిస్తున్నందుకు మీ అందరికీ ధన్యవాదాలు’ అంటూ కృతి రాసుకొచ్చింది. ఇక ఈ ఏడాది నాగచైతన్య సరసన ‘కస్టడీ’ చిత్రంతో ప్రేక్షకుల ముందుకు వచ్చిన కృతి.. తాజాగా శర్వానంద్‌ సరసన ఓ సినిమాలో (#Sharwa35) నటిస్తోంది. నేడు ఆమె పుట్టిన రోజు సందర్భంగా ఆ చిత్రయూనిట్‌ ఓ ప్రత్యేక వీడియోను విడుదల చేసింది. అందులో కృతి తన అందంతో ఆకట్టుకుంటోంది. ఈ సినిమా షూటింగ్‌ శరవేగంగా జరుగుతోంది. తమిళ, మలయాళ సినిమా ప్రాజెక్టుల్లోనూ కృతి నటిస్తోంది.