Miss Shetty Mr Polishetty: మిస్‌... మిస్టర్‌ సందడి

అనుష్క, నవీన్‌ పొలిశెట్టి ప్రధాన పాత్రధారులుగా తెరకెక్కుతున్న చిత్రం ‘మిస్‌ శెట్టి మిస్టర్‌ పొలిశెట్టి’. మహేశ్‌బాబు.పి దర్శకత్వం వహిస్తున్నారు. యు.వి.క్రియేషన్స్‌ పతాకంపై వంశీ, ప్రమోద్‌ నిర్మిస్తున్నారు. సెప్టెంబరు 7న చిత్రం ప్రేక్షకుల ముందుకు రానుంది. ఈ నెల 21న ట్రైలర్‌ని విడుదల చేస్తున్నట్టు శనివారం చిత్రబృందం తెలిపింది. నవీన్‌ పొలిశెట్టి ఇందులో స్టాండప్‌ కమెడియన్‌ పాత్రలో నటిస్తుండగా, అనుష్క చెఫ్‌గా కనిపిస్తారు. అభినవ్‌ గోమటం, మురళీశర్మ, తులసి తదితరులు నటించిన ఈ చిత్రాన్ని తెలుగుతోపాటు, తమిళ, కన్నడ, మలయాళ భాషల్లో విడుదల చేయనున్నారు.