మోనాల్‌ గజ్జర్‌ చిందేసిన ఐటమ్‌ సాంగ్‌ చూశారా?

హైదరాబాద్‌: ‘రంభ.. ఊర్వశి.. మేనక.. అందరినీ కలిపేస్తే నేనిక..’ అంటోంది మోనాల్‌ గజ్జర్‌. బెల్లకొండ శ్రీనివాస్‌ కథానాయకుడిగా నటించిన యాక్షన్‌ ఎంటర్‌టైనర్‌ ‘అల్లుడు అదుర్స్‌’. నభానటేశ్‌ కథానాయిక. సంతోష్‌ శ్రీనివాస్‌ దర్శకత్వం వహించారు. అన్ని కార్యక్రమాలు పూర్తి చేసుకున్న ఈ సినిమా సంక్రాంతి కానుకగా ఈ నెల 14న ప్రేక్షకుల ముందుకు రానుంది.

ఇందులో ఓ ఐటమ్‌ సాంగ్‌లో హీరోయిన్‌, బిగ్‌బాస్‌ కంటెస్టెంట్‌ మోనాల్‌ గజ్జర్‌ ఆడిపాడింది. దేవిశ్రీ అందించిన స్వరాలకు శ్రీమణి సాహిత్యం అందించారు. మంగ్లీ, హేమచంద్ర ఆలపించారు. ప్రస్తుతం యూట్యూబ్‌లో ఈ సాంగ్‌ ట్రెండింగ్‌లో ఉంది. మరి దేవిశ్రీ బీట్‌కు మోనాల్‌, శ్రీనివాస్‌లు ఎలా ఆడి పాడారో చూడాలంటే థియేటర్‌కు వెళ్లాల్సిందే. అప్పటివరకూ ఈ లిరికల్‌ వీడియోను చూసేయండి.