Nayanthara: ‘కుముధ..’ ఓ అందమైన పాత్ర

గతేడాది ‘జవాన్‌’తో పాన్‌ ఇండియా స్టార్‌గా పేరు తెచ్చుకుంది అగ్రకథానాయిక నయనతార. తన 75వ చిత్రం ‘అన్నపూరణి’ అంతంత మాత్రం అనిపించినా మంచి స్పందననే సొంతం చేసుకుంది. ఈ ఏడాది ‘టెస్ట్‌’తో అలరించేందుకు సిద్ధమవుతోంది. ఆర్‌.మాధవన్‌, సిద్ధార్థ్‌ కీలక పాత్రలు పోషిస్తున్న ఈ చిత్రాన్ని ఎస్‌. శశికాంత్‌ తెరకెక్కిస్తున్న సంగతి తెలిసిందే. స్పోర్ట్స్‌ డ్రామా నేపథ్యంలో రూపొందుతున్న ఈ చిత్రంలో కుముధ అనే పాత్రలో నయన కనిపించనుంది. తాజాగా తన షెడ్యూల్‌ని కూడా పూర్తిచేసుకుంది. ఆ విషయాన్ని ఆమె సామాజిక మాధ్యమాల వేదికగా తెలుపుతూ ఫొటోలను పంచుకుంది. ‘కుముధ...నా జీవితంలోకి ఓ పాత్రలా వచ్చినందుకు   ధన్యవాదాలు. ఈ పాత్రను ఇంత అందంగా తీర్చిదిద్దిన దర్శకుడు శశి, కుముధకు అండగా నిలిచిన మాధవన్‌, స్ఫూర్తినిచ్చిన సిద్ధార్థ్‌... అందరికీ చాలా థాంక్యూ. ‘టెస్ట్‌’ ద్వారా మా ప్రేమను చూపించేందుకు ఆసక్తిగా ఎదురుచూస్తున్నాము’ అంటూ వ్యాఖ్యల్ని జోడించింది నయన.