Raghava Lawrence: ‘రుద్రుడు’గా లారెన్స్‌

కతిరేశన్‌ దర్శకత్వంలో రాఘవ లారెన్స్‌ (Raghava Lawrence) కథానాయకుడిగా ఓ చిత్రం తెరకెక్కుతోంది. ప్రియభవానీ శంకర్‌ (Priya Bhavani Shankar) కథానాయిక. ఫైవ్‌స్టార్‌ క్రియేషన్స్‌ నిర్మిస్తున్న ఈ చిత్రానకి ‘రుద్రుడు’ (Rudrudu) అనే పేరుని ఖరారు చేశారు. గురువారం ఫస్ట్‌లుక్‌ని ఆవిష్కరించడంతోపాటు క్రిస్మస్‌కి చిత్రాన్ని విడుదల చేస్తున్నట్టు ప్రకటించాయి చిత్రబృందాలు. ‘‘యాక్షన్‌ థ్రిల్లర్‌ కథతో ఈ చిత్రం రూపొందుతోంది. ఇప్పటికే 90 శాతం చిత్రీకరణ పూర్తయింది. రుద్రుడుగా లారెన్స్‌ అలరిస్తాడు. తెలుగు, తమిళ భాషల్లో చిత్రం విడుదల కానుంద’’ని సినీ వర్గాలు తెలిపాయి. శరత్‌కుమార్‌, పూర్ణిమ భాగ్యరాజ్‌, నాజర్‌ తదితరులు నటిస్తున్న ఈ చిత్రానికి సంగీతం: జి.వి.ప్రకాశ్‌కుమార్‌, ఛాయాగ్రహణం: ఆర్‌.డి.రాజశేఖర్‌, కూర్పు: ఆంథోని.