Samantha: తన బెస్ట్‌ ఫ్రెండ్స్‌ని పరిచయం చేసిన సమంత

హైదరాబాద్‌: అగ్ర కథానాయిక సమంత(Samantha) ప్రస్తుతం మయోసైటిస్‌ నుంచి కోలుకుంటోంది. తన జీవితంలో జరిగే ప్రతి అంశాన్ని సోషల్‌మీడియా ద్వారా అభిమానులతో పంచుకునే ఆమె తాజా పోస్ట్‌ నెటిజన్లను ఆకర్షిస్తోంది. కళ్లజోడు పెట్టుకున్న ఫొటోను ఇన్‌స్టా స్టోరీలో పంచుకున్న ఆమె ‘‘ఈ గ్లాసెస్‌ నా కొత్త బెస్ట్‌ ఫ్రెండ్స్‌’’ అని క్యాప్షన్‌ పెట్టింది. ఇది చూసిన ఫ్యాన్స్‌ ‘‘ఈ కళ్లజోడు వల్ల మీ అందం మరింత పెరిగింది’’ అని కామెంట్స్‌ చేస్తున్నారు. వారి అభిమాన నటి మళ్లీ సోషల్‌మీడియాలో యాక్టీవ్‌ అయినందుకు సంతోషం వ్యక్తం చేస్తున్నారు.

ఏ పాత్రలో నటించినా దానికి జీవం పోసే సామ్‌ ప్రస్తుతం తన తదుపరి ప్రాజెక్ట్‌ ‘సిటాడెల్‌’పై దృష్టి పెట్టింది. తన పాత్రకు అనుగుణంగా సిద్ధమయ్యేందుకు ఫిట్‌నెస్‌ పెంచుకుంటోంది. ఇటీవలే ఈ విషయాన్ని తెలుపుతూ సమంత ఇన్‌స్టాలో ఓ వీడియో పోస్ట్‌ చేసిన సంగతి తెలిసిందే. మరోవైపు సమంత నటించిన తాజా చిత్రం ‘శాకుంతలం’ (Shaakuntalam)విడుదలకు సిద్ధమైంది. ప్రస్తుతం నిర్మాణాంతర పనుల్లో ఉన్న ఈ సినిమా ఫిబ్రవరి 17న ప్రేక్షకుల ముందుకు రానుంది. గుణశేఖర్‌ (Gunasekhar) దర్శకత్వంలో రూపొందిన ఈ అందమైన ప్రేమకావ్యంపై ఇప్పటికే అభిమానులు భారీగా అంచనాలు పెట్టుకున్నారు. శకుంతలగా సమంత (Samantha) నటించగా.. దుష్యంతుడి పాత్రను దేవ్‌ మోహన్‌ (Dev Mohan) పోషించారు. ఇప్పటివరకు ఈ సినిమాలో విడుదలైన రెండు పాత్రలూ మంచి ప్రేక్షకాదరణ పొందాయి.