Kurup Review: రివ్యూ: కురుప్
దుల్కర్ సల్మాన్కి తెలుగులో మంచి గుర్తింపు ఉంది. ‘ఓకే బంగారం’, ‘మహానటి’, ‘కనులు కనులను దోచాయంటే’.. తదితర చిత్రాలతో ఆయన తెలుగు ప్రేక్షకులకు ఎంతగానో చేరువయ్యారు. అందుకే ఆయ...
చిత్రం: కురుప్; నటీనటులు: దుల్కర్ సల్మాన్, శోభితా ధూళిపాళ్ల, ఇంద్రజిత్ సుకుమారన్, షైన్ టామ్ చాకో, సన్నీ వేన్, భరత్ నివాస్ తదితరులు; సంగీతం: సుశీన్ శ్యామ్, సినిమాటోగ్రఫీ: నిమిష్ రవి, దర్శకత్వం: శ్రీనాథ్ రాజేంద్రన్; నిర్మాణం: వే ఫారర్ ఫిల్మ్స్ & ఎం-స్టార్ ఎంటర్టైన్మెంట్స్; విడుదల: 12 నవంబర్ 2021
దుల్కర్ సల్మాన్కి తెలుగులో మంచి గుర్తింపు ఉంది. ‘ఓకే బంగారం’, ‘మహానటి’, ‘కనులు కనులను దోచాయంటే’.. తదితర చిత్రాలతో ఆయన తెలుగు ప్రేక్షకులకు ఎంతగానో చేరువయ్యారు. అందుకే ఆయన ఏ భాషలో నటించినా ఆ సినిమాలు తెలుగులోనూ అనువాదం అవుతుంటాయి. పాన్ఇండియా చిత్రంగా ఇటీవల రూపొందిన ‘కురుప్’ కూడా తెలుగులో విడుదలైంది. మరి, ఈ చిత్రం ఎలా ఉందో తెలుసుకునే ముందు కథేమిటో చూద్దాం..!
కథేమిటంటే: మోస్ట్ వాంటెడ్ క్రిమినల్గా దేశవ్యాప్తంగా మార్మోగిన పేరు కురుప్. అతని వాస్తవ నేర జీవితం ఆధారంగా రూపొందిన చిత్రమిది. కేరళలో ఎయిర్ఫోర్స్ ఉద్యోగి గోపీకృష్ణన్ కురుప్ అలియాస్ జీకేగా మొదలైన అతని జీవితం ఆ తర్వాత ఎలా మారింది? సుధాకర కురుప్గా, అలెగ్జాండర్గా అతను ఎలా మారాడు? దారితప్పిన యువకుడైన కురుప్ జల్సాలు, విలాసాలకు అలవాటు పడి ఎలాంటి దురాగతాలకి పాల్పడ్డాడు? జీవితంలో సెటిల్ అయిపోవడం కోసం ఏం చేశాడు? అతని కోసం అన్వేషణ ప్రారంభించిన పోలీసు అధికారులకు ఎలాంటి విషయాలు తెలిశాయనే అంశాల చుట్టూ సాగే కథ ఇది. కురుప్గా దుల్కర్ సల్మాన్, అతని ప్రేయసి శారదాంబగా శోభిత ధూళిపాళ్ల నటించారు.
ఎలా ఉందంటే: కురుప్ నేరమయ జీవితం ఆరంభం నుంచి అతని గురించి చివరిగా తెలిసిన విషయాల వరకూ సాగే కథ ఇది. కిల్లర్ కురుప్ జీవితం ఆధారంగా సినిమా అనగానే కేరళలో భిన్నాభిప్రాయాలు వ్యక్తమయ్యాయి. ఒక నేరస్థుడిని హీరోగా చూపించడానికి ప్రయత్నిస్తున్నారనే విమర్శలు వచ్చాయి. కానీ ఈ కథని దర్శకుడు అలా చూపించలేదు. కథానాయకుడిని ఓ కరడుగట్టిన కిల్లర్గానే చూపించాడు. 1970, 80, 90 దశకాల్లో సాగే ఓ పీరియాడికల్ కథగా దర్శకుడు ఈ కథని మలిచాడు. పాత్రల్ని పరిచయం చేయడం కోసం సమయం తీసుకున్న దర్శకుడు మెల్లగా కథలోకి తీసుకువెళ్లాడు. కురుప్కి పీటర్తో స్నేహం మొదలుకొని, అతడు నేరాలకి పాల్పడే తీరు, అందులో నుంచి బయటపడే విధానం ఆసక్తికరంగా సాగుతుంది. ఒక క్రిమినల్ ఎంత క్రూరత్వంతో ఉంటాడో.. అవన్నీ దుల్కర్ తన నటనతో చక్కగా ఆవిష్కరించే ప్రయత్నం చేశాడు.
కురుప్ పాత్రని ఎక్కడా హీరో అన్నట్టు చూపించకుండానే ఆ పాత్రని స్టైలిష్గా తీర్చిదిద్దాడు దర్శకుడు. కొన్ని సన్నివేశాల్లో స్పష్టత లోపించినట్టు అనిపించినా, సింహ భాగం సినిమా తర్వాత ఏం జరుగుతుందనే ఆసక్తితో సాగుతుంది. వాస్తవ సంఘటనల ఆధారంగానే ఈ చిత్రం రూపొందినా, అక్కడక్కడా వాణిజ్యాంశాల కోసం స్వేచ్ఛని తీసుకుని సన్నివేశాల్ని తీర్చిదిద్దాడు దర్శకుడు. గోపీకృష్ణన్ చనిపోయాడని నమ్మించే సన్నివేశాలు, ఇంటర్వెల్ ఎపిసోడ్, చివరి 30 నిమిషాల డ్రామా సినిమాకి హైలైట్గా నిలిచాయి. అన్ని రకాల జానర్లు కలిసినట్టుగా అనిపించే కథ ఇది. శోభితతో ప్రేమాయణం సన్నివేశాలు కూడా ఆకట్టుకుంటాయి. క్రైమ్ డ్రామాలో ఉండే వేగం ఇందులో లేకపోయినా సహజత్వంతో సినిమా ప్రేక్షకుల్ని కట్టిపడేస్తుంది.
ఎవరెలా చేశారంటే: దుల్కర్ సల్మాన్ వన్ మేన్ షోలా ఉంటుందీ చిత్రం. అతను కురుప్ పాత్రలో ఒదిగిపోయే ప్రయత్నం చేశాడు. నేరం చేసే సన్నివేశాల్లో చాలా బాగా నటించారు. లుక్స్ పరంగా కూడా ఆయన తీసుకున్న జాగ్రత్తలు ఆకట్టుకుంటాయి. ఆరంభం నుంచి చివరి వరకు అతను కనిపించే తీరు మెప్పిస్తుంది. శోభిత, పోలీసాఫీసర్గా ఇంద్రజిత్ సుకుమారన్ తమ నటనతో కట్టిపడేస్తారు. ప్రాధాన్యంతో కూడిన పాత్రలు చాలానే ఉన్నా, ఎక్కువ సన్నివేశాల్ని దుల్కర్ తన భుజాలపై వేసుకుని నడిపించారు. సాంకేతికంగా సినిమా ఉన్నతంగా ఉంది. ప్రథమార్ధంలో సన్నివేశాలు కొన్ని సాగదీతగా అనిపించినా, పాత్రల్ని బలంగా ఆవిష్కరించడానికి అది అవసరం అనిపిస్తుంది. సంగీతం, కెమెరా విభాగాలు చక్కటి పనితీరుని కనబరిచాయి. పీరియాడిక్గా సాగే ఈ సినిమా కోసం నిర్మాణ పరంగా తీసుకున్న జాగ్రత్తలు చిత్రానికి ప్రధాన బలం. దర్శకుడు శ్రీనాథ్ రాజేంద్రన్ ఎంతో పరిణతితో ఈ చిత్రాన్ని తీర్చిదిద్దాడు. ఓ క్రిమినల్ కథని, అదే తరహాలో ఎలాంటి హీరోయిజం లేకుండా దుల్కర్ సల్మాన్ లాంటి ఓ కథానాయకుడితో తీయడం మెచ్చుకోదగ్గదే. కొన్ని సన్నివేశాలు గందరగోళంగా అనిపించినా చాలా వరకు ఆకట్టుకునేలా తీర్చిదిద్దారు ఈ క్రైమ్ డ్రామాని. రకరకాల జానర్లతో ఓ కథని ఎలా తీయొచ్చో చూపించాడు.
బలాలు
+దుల్కర్ సల్మాన్ నటన
+నటీనటులు
+నేర నేపథ్యంలో సాగే డ్రామా
+పతాక సన్నివేశాలు
బలహీనతలు
-గందరగోళంగా కొన్ని సన్నివేశాలు
-సాగదీతగా అనిపించే ప్రథమార్ధం
చివరిగా: ఆసక్తికరంగా సాగే ఓ కిల్లర్ కథ ‘కురుప్’
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
తల్లితో కలిసి పిఠాపురానికి రామ్ చరణ్
తన తల్లితో కలిసి రామ్ చరణ్ పిఠాపురానికి వెళ్లనున్నారు. ఎందుకంటే? -
Prabhas: ప్రభాస్ ‘రాజాసాబ్’ మరింత ఆలస్యం.. కారణమిదే!
Raja Saab: ప్రభాస్, మారుతీ కాంబినేషన్లో రూపొందుతున్న చిత్ర షూటింగ్ మరింత ఆలస్యమయ్యే అవకాశం ఉందని టాలీవుడ్ టాక్. -
అందుకే సెల్ఫీ అడిగితే పారిపోతా: ఫహద్ ఫాజిల్
ఎవరైనా సెల్ఫీ అడిగితే తాను పారిపోతానని నటుడు ఫహద్ ఫాజిల్ పేర్కొన్నారు. -
ప్రమోషన్స్లో జాన్వీ కపూర్.. స్టైలిష్ డ్రెస్సులో మానుషి చిల్లర్
సినీ తారలు సోషల్మీడియా వేదికగా అభిమానులతో పంచుకున్న విశేషాలివీ.. -
‘హీరామండి’ షూటింగ్లో డిప్రెషన్లోకి వెళ్లా: మనీషా కొయిరాల
‘హిరామండి’ షూటింగ్ సమయంలో డిప్రెషన్లోకి వెళ్లినట్లు మనీషా కొయిరాల తెలిపారు. -
విజయ్ దేవరకొండ-రష్మికల జోడి మరోసారి మెరవనుందా!
విజయ్ దేవరకొండ-రష్మిక జోడి మరోసారి స్క్రీన్పై మెరవనున్నట్లు తెలుస్తోంది. -
27 ఏళ్లలో బాలీవుడ్ నుంచి ఒక్క అవకాశం రాలేదు: జ్యోతిక
తన తొలి చిత్రం ప్రేక్షకాదరణ పొందని కారణంగా 27 ఏళ్లు బాలీవుడ్ నుంచి ఆఫర్లు రాలేదని జ్యోతిక అన్నారు. -
రివ్యూ: కృష్ణమ్మ.. సత్యదేవ్ ఖాతాలో హిట్ పడిందా?
krishnamma movie review: సత్యదేవ్ కీలక పాత్రలో నటించిన మాస్, యాక్షన్ డ్రామా ఎలా ఉంది? -
నేను రాజకీయాలకు అతీతం.. ఎన్టీఆర్కు భారతరత్న ఇవ్వాలి: చిరు
తాను రాజకీయాలకు అతీతంగా ఉన్నానని ప్రముఖ నటుడు చిరంజీవి అన్నారు. -
‘గాలివాన’లో ప్రదర్శన.. చేసేది లేక స్టేజ్పై నుంచి దిగి వెళ్లిన పోయిన కృష్ణ
అప్పలాచార్య రాసిన ‘వింత మనుషులు’ నాటికలో పాత్రలు ఎక్కువ. ఆ నాటికి ప్రదర్శిస్తుండగా, భారీ గాలివాన వచ్చింది. -
మా ఇద్దరిలో కామన్ పాయింట్ ఏంటి?.. చిరంజీవికి ఉపాసన సరదా ప్రశ్న
చిరంజీవి, ఉపాసనకు మధ్య జరిగిన సరదా సంభాషణ అభిమానులను ఆకట్టుకుంది. -
తెలుగు ఇండస్ట్రీలో నటించాలంటే కష్టం.. ఎందుకంటే: సంయుక్త
మలయాళంతో పోలిస్తే తెలుగులో నటించడం కష్టమన్నారు నటి సంయుక్త. -
పెళ్లి చేసుకోకపోవడానికి కారణమిదే: కోవై సరళ
నటి కోవై సరళ తాజాగా ఆలీతో సరదాగా కార్యక్రమానికి అతిథిగా హాజరయ్యారు. -
రివ్యూ: ప్రతినిధి2.. నారా రోహిత్ పొలిటికల్ డ్రామా ఎలా ఉంది?
Prathinidhi 2 Review: నారా రోహిత్ కీలక పాత్రలో నటించిన ‘ప్రతినిధి2’ ప్రేక్షకుల మెప్పించిందా? -
‘సికందర్’ సరసన రష్మిక
త్వరలో ‘పుష్ప 2’తో శ్రీవల్లిగా తెరపైకి రావడానికి ముస్తాబవుతోంది అందాల తార రష్మిక. -
రామోజీ ఫిల్మ్ సిటీలో.. కన్నప్ప సెట్లో
మంచు విష్ణు టైటిల్ పాత్రలో నటిస్తున్న పాన్ ఇండియా చిత్రం ‘కన్నప్ప’. -
అంధుడి పాత్రలో సైఫ్ అలీఖాన్?
పాత్ర బాగుంటే అది హీరోనా... విలనా అనేది చూడనంటారు ప్రముఖ బాలీవుడ్ నటుడు సైఫ్ అలీఖాన్. -
ప్రతినిధి 2 అలరిస్తుంది.. ఆలోచింపజేస్తుంది
‘‘ప్రస్తుత భారతదేశ రాజకీయాల్ని ప్రతిబింబించే చిత్రం ‘ప్రతినిధి 2’. ఇది ప్రత్యేకంగా ఏ ఒక్క పార్టీకో మేలు చేసేలా ఉండదు. -
మళ్లీ జాలీగా వచ్చేసింది పుష్ప
బాలీవుడ్లో నవ్వులు పూయించిన చిత్రాలు ఎన్నో. అందులో ‘జాలీ ఎల్ఎల్బీ’ ఫ్రాంచైజీ సినిమాలు కూడా ఉన్నాయనడంలో సందేహం లేదు. -
మాయావన్లో పోరు
సందీప్ కిషన్ హీరోగా నటిస్తున్న సైన్స్ ఫిక్షన్ చిత్రం ‘మాయావన్’. -
మరో కొత్త కథతో నయన్ సిద్ధం!
గతేడాది ‘జవాన్’తో సినీప్రియుల్ని మెప్పించిన అగ్రకథానాయిక నయనతార.. ప్రస్తుతం వరుస సినిమాలతో బిజీగా గడుపుతోంది.
తాజా వార్తలు (Latest News)
-
రాణించిన బౌలర్లు.. చెన్నైపై గుజరాత్ విజయం
-
శునకాలకు రంగులేసి.. పాండాలుగా చూపించి..! ‘జూ’లో విచిత్రం
-
ఒకే ఫ్రేమ్లో బిలియనీర్లు.. ఆకట్టుకుంటోన్న గోయెంకా ఫన్నీ కామెంట్
-
కేజ్రీవాల్కు తల్లిదండ్రుల స్వాగతం.. వారిని చూసి సీఎం భావోద్వేగం
-
బ్రిజ్ భూషణ్కు ఎదురుదెబ్బ.. అభియోగాల నమోదుకు కోర్టు ఆదేశం
-
మాల్దీవుల్ని వీడిన చివరి బ్యాచ్.. భారత సైనిక సిబ్బంది ఉపసంహరణ పూర్తి!