Regina: వ్యంగ్యాస్త్రం ‘బ్రేకింగ్‌ న్యూస్‌’

వరుసగా సినిమాలు చేస్తూ... జోరు చూపిస్తోంది రెజీనా కసాండ్రా. అందం, అభినయంతో ఆకట్టుకుంటున్న ఆమెతో పాటు, సుబ్బరాజు, జేడీ చక్రవర్తి ప్రధాన పాత్రధారులుగా ‘బ్రేకింగ్‌ న్యూస్‌’ అనే చిత్రం రూపొందుతోంది. సుబ్బు వేదుల దర్శకత్వంలో తెరకెక్కుతున్న ఈ చిత్ర షూటింగ్‌ ఇటీవల హైదరాబాద్‌లో ప్రారంభమైంది. ‘‘ప్రస్తుత కాలానికి తగ్గట్లు... సామాజిక వ్యంగ్య అస్త్రంగా రూపొందుతున్న ఈ చిత్రం తప్పకుండా ప్రేక్షకులను ఆకట్టుకుంటుంది. డిసెంబర్‌ మూడో వారం వరకూ హైదరాబాద్‌ పరిసరాల్లోనే చిత్రీకరణ సాగుతుంది’’ అని చిత్రబృందం తెలిపింది. రా ఎంటర్‌టైన్మెంట్స్‌, మ్యాంగో మాస్‌ మీడియా సంయుక్తంగా నిర్మిస్తున్న ఈ చిత్రానికి బి.వి.ఎస్‌.రవి కథ మాటలు అందించారు. ప్రవీణ్‌ లక్కరాజు సంగీతమందిస్తున్నారు.