Published : 14/01/2022 10:58 IST

Mysuru:పునాది లేకుండానే ఇంటి నిర్మాణం.. ఖర్చు 40% తక్కువే!

ఇంటిని నిర్మించాలంటే ముందుగా పునాది సిద్ధం చేయాలి. కానీ కర్ణాటకలోని మైసూర్‌కు చెందిన ఓ ఆర్కిటెక్ట్‌ అసలు పునాదే లేకుండా ఇంటి నిర్మాణం చేపడుతున్నారు. అందుకోసం మూడు సరికొత్త పద్ధతులను అనుసరిస్తున్నారు. ఇప్పటికే రెండు ఇళ్లను నిర్మించి.. అందరి మన్ననలు పొందుతున్నారు. అతడే ఆర్కిటెక్ట్‌ శరత్‌ కుమార్‌. ఈ కొత్త టెక్నాలజీ ద్వారా తక్కువ ధరలో, తక్కువ సమయంలో పునాది లేకుండానే ఇంటి నిర్మాణం చేపట్టొచ్చని చెబుతున్నారు. ఈ సాంకేతికతను అడ్వాన్స్‌డ్‌ రాపిడ్‌ కన్‌స్ట్రక్షన్‌గా పేర్కొన్నారు. శరత్‌ కుమార్‌ రెండు సంవత్సరాల పాటు ఓ విదేశీ సంస్థలో ఆర్కిటెక్ట్‌గా పని చేశారు. ఈ క్రమంలోనే పునాది లేకుండా ఇంటిని నిర్మించే టెక్నాలజీ గురించి తెలుసుకున్నారు. కొత్త సాంకేతికతతో తొలుత హెచ్‌డీ కోటే ప్రాంతానికి సమీపంలో ఓ డైరీ భవనాన్ని నిర్మించారు శరత్‌. విజయవంతంగా దానిని పూర్తి చేశాక మైసూర్‌లోని బండిపాళ్యలో ఓ ఇంటి నిర్మాణం చేపట్టారు.

కర్ణాటకలో పునాది లేకుండానే నిర్మించిన తొలి ఇల్లుగా ఇది గుర్తింపు పొందింది. ‘‘సాధారణంగా ఇంటి నిర్మాణం కోసం 5-6 అడుగుల లోతు పునాది తీయాల్సి ఉంటుంది. కానీ మేము పునాది లేకుండా ఇంటిని నిర్మించేందుకు మూడు పద్ధతులను ఉపయోగించాం. మొదటిది పైల్‌ ఫౌండేషన్, ఇందులో ట్రాక్టర్‌ ద్వారా 7 అడుగుల లోతు వరకు రంధ్రం చేసి పిల్లర్‌ను ఏర్పాటు చేస్తాం. రెండోది ప్లింత్‌ బీమ్‌. మూడోది స్లాబ్‌ ఆన్‌ గ్రేడ్‌ పద్ధది. ఇంటిని నిర్మించేందుకు కనీసం 6-7 నెలల సమయం పడుతుంది. కానీ ఈ కొత్త సాంకేతికత ద్వారా 3 నెలల్లోనే నిర్మాణం పూర్తి చేయొచ్చు. ఇందుకోసం కూలీల అవసరం కూడా ఎక్కువగా ఉండదు. 30-40 శాతం నిర్మాణ వ్యయం తగ్గిపోతుంది. నిర్మాణానికి కాంక్రీట్‌ ఉపయోగించటం వల్ల ఇల్లు 75-100 ఏళ్ల పాటు మన్నికగా ఉంటుంది’’ అని శరత్‌ చెప్పారు. 

Read latest Related-stories News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని