UAE vs NZ: టీ20లో పసికూన యూఏఈ సంచలనం

దుబాయ్‌: టీ20ల్లో మరో పసికూన.. పెద్ద జట్టుకు షాకిచ్చింది. శనివారం యూఏఈ 7 వికెట్ల తేడాతో న్యూజిలాండ్‌ను మట్టికరిపించింది. మూడు టీ20ల సిరీస్‌ తొలి మ్యాచ్‌లో ఓడిన ఆ జట్టు.. రెండో టీ20లో కివీస్‌ను అలవోకగా ఓడించింది. మొదట అయాన్‌ అఫ్జల్‌ ఖాన్‌ (3/20), జవాదుల్లా (2/16), అలీ నజీర్‌ (1/25)ల ధాటికి కివీస్‌ 142/8కు పరిమితమైంది. ఒక దశలో 65/5తో నిలిచిన కివీస్‌.. చాప్‌మన్‌ (63; 46 బంతుల్లో 3×4, 3×6) పోరాడకుంటే ఆమాత్రం స్కోరు కూడా చేసేది కాదు. మహ్మద్‌ వసీమ్‌ (55; 29 బంతుల్లో 4×4, 3×6), అసిఫ్‌ ఖాన్‌ (48 నాటౌట్‌; 29 బంతుల్లో 5×4, 1×6) చెలరేగడంతో లక్ష్యాన్ని యూఏఈ 15.4 ఓవర్లలో 3 వికెట్లే కోల్పోయి ఛేదించింది.