రోదసిలో టైంమిషన్
సుదీర్ఘ నిరీక్షణకు ఎట్టకేలకు తెరపడనుంది. మూడు దశాబ్దాలుగా కొనసాగుతున్న ప్రయత్నం త్వరలో సాకారం కానుంది. విశ్వ ఆవిర్భావం తొలినాళ్లను చూడటానికి తోడ్పడే అంతరిక్ష చక్షువు ఆవిష్కృతం కానుంది. అవును.. అసలు సాధ్యమే కాదన్న అనుమానాలను దాటుకొని, టైమ్మిషన్ తరహాలో ఖగోళ రహస్యాలను ఛేదించటానికి మహా విశ్వ దర్శిని ‘జేమ్స్ వెబ్ స్పేస్ టెలిస్కోప్’ మరో రెండు రోజుల్లో నింగికెగరనుంది.
మహా విశ్వ దర్శిని
సుదీర్ఘ నిరీక్షణకు ఎట్టకేలకు తెరపడనుంది. మూడు దశాబ్దాలుగా కొనసాగుతున్న ప్రయత్నం త్వరలో సాకారం కానుంది. విశ్వ ఆవిర్భావం తొలినాళ్లను చూడటానికి తోడ్పడే అంతరిక్ష చక్షువు ఆవిష్కృతం కానుంది. అవును.. అసలు సాధ్యమే కాదన్న అనుమానాలను దాటుకొని, టైమ్మిషన్ తరహాలో ఖగోళ రహస్యాలను ఛేదించటానికి మహా విశ్వ దర్శిని ‘జేమ్స్ వెబ్ స్పేస్ టెలిస్కోప్’ మరో రెండు రోజుల్లో నింగికెగరనుంది. నాలుగు శతాబ్దాల ఆవిష్కరణలను కేవలం పదేళ్లలోనే మన ముందుంచగలదని భావిస్తున్న ఈ అద్భుత టెలిస్కోప్ వివరాలేంటో చూద్దాం.
అది 1995. ప్రస్తుతం అత్యంత ఆసక్తి కలిగిస్తున్న జేమ్స్ వెబ్ స్పేస్ టెలిస్కోప్ (జేడబ్ల్యూఎస్టీ) ఆలోచనకు బీజం పడిన సంవత్సరం. ఖగోళాన్వేషణలో సరికొత్త చరిత్ర సృష్టించిన హబుల్ టెలిస్కోప్ పంపించిన ఓ దృశ్యంతోనే దీని కథ ఆరంభమైంది. ‘హబుల్ డీప్ ఫీల్డ్ ఇమేజ్’గా పేరొందిన అందులో 3వేల నక్షత్ర మండలాల జాడలున్నాయి! వీటి రహస్యాన్ని ఛేదించాలనే ప్రయత్న ఫలితమే జేమ్స్ వెబ్ స్పేస్ టెలిస్కోప్. ఒకరకంగా దీన్ని గత కాల ప్రయాణాన్ని సుసాధ్యం చేసే టైం మిషన్ అనీ అనుకోవచ్చు. కాంతి అత్యంత వేగంగా ప్రసరిస్తుండొచ్చు. కానీ అది విశ్వం గుండా ప్రయాణిస్తూ మనకు చేరటానికి చాలా కాలమే పడుతుంది. అంటే ఇప్పుడు మనకు కనిపిస్తున్న నక్షత్ర కాంతి ఈనాటిది కాదన్నమాట. కాబట్టే సుదూర ఖగోళ వస్తువుల నుంచి వెలువడే కాంతి పురాతనమైందనీ భావిస్తుంటారు. మరి ఈ నక్షత్రాలు, నక్షత్ర మండలాల వయసును గుర్తించటమెలా? ఇక్కడే మనకు నక్షత్ర కాంతి సాయం చేస్తుంది. మహా విస్ఫోటనం (బిగ్ బ్యాంగ్) సంభవించినప్పట్నుంచీ విశ్వం విస్తరిస్తూనే ఉంది. సుదూరాల నుంచి కాంతి ప్రయాణం కొనసాగుతూనే వస్తోంది. ఇలా చాలా దూరం ప్రయాణించటం వల్ల కాంతి తరంగధైర్ఘ్యమూ మారిపోతుంటుంది. ఇది పరారుణ కాంతిగా మారేలానూ పురికొల్పుతుంది. కొన్ని నక్షత్ర మండలాల్లో ఇలాంటి కాంతి చాలా ఎక్కువగా ఉంటున్నట్టు హబుల్ టెలిస్కోప్ గుర్తించటం గమనార్హం. వీటి వయసు 1000 కోట్ల సంవత్సరాల కన్నా ఎక్కువేననీ తేలింది. ఇంత పురాతన నక్షత్ర మండలాల జాడను, అదీ ఇంత ఎక్కువ సంఖ్యలో చూడగలమని శాస్త్రవేత్తలు ఎన్నడూ ఊహించలేదు. దీంతో ఖగోళ రహస్యాలను ఇంకాస్త లోతుగా శోధించాలనే ఆసక్తి పెరిగింది. అయితే ఇందుకు హబుల్ టెలిస్కోప్ దృశ్యాల స్పష్టత సరిపోదు. దీంతో కొందరు శాస్త్రవేత్తలు ‘నెక్స్ట్ జనరేషన్ స్పేస్ టెలిస్కోప్’ తయారీకి నడుం బిగించారు. అదే చివరికి జేమ్స్ వెబ్ స్పేస్ టెలిస్కోప్గా మారింది. అపోలో అంతరిక్ష ప్రయోగ రూపకల్పనలో పాలు పంచుకున్న జేమ్స్ ఇ.వెబ్ పేరునే దీనికి పెట్టారు. హబుల్ టెలిస్కోప్ వారసత్వాన్ని కొనసాగించటానికి రంగంలోకి దిగుతున్న దీన్ని పొట్టిగా ‘వెబ్’ అనీ పిలుచుకుంటున్నారు. అమెరికా అంతరిక్ష సంస్థ నాసా, యూరోపియన్ స్పేస్ అకాడమీ, కెనడియన్ స్పేస్ ఏజెన్సీలు సంయుక్తంగా ఈ ప్రాజెక్టును చేపట్టాయి. ఇది ఇన్ఫ్రారెడ్ విజన్తో 1350 కోట్ల సంవత్సరాల వెనక్కి చూడగలదు. విశ్వం తొలి నాళ్లలో చీకట్లోంచి నక్షత్రాలు, నక్షత్ర మండలాలు పుట్టు కొస్తున్న తీరును కళ్లకు కట్టగలదు. వందల కోట్ల ఏళ్లుగా నక్షత్ర మండలాలు ఎలా కలిసిపోతున్నాయనేది అర్థం చేసుకోవటానికీ ఉపయోగపడగలదు.
మూడు దశాబ్దాల కల
వెబ్ టెలిస్కోప్ పురుడు పోసుకున్నప్పట్నుంచీ దీని సాకారం ఊగిసలాటలోనే ఉండిపోయింది. దీన్ని 2007లోనే ప్రయోగించాలని అనుకున్నా ఏళ్లకేళ్లుగా వాయిదా పడుతూనే వచ్చింది. అసలు ఇలాంటి టెలిస్కోప్ ప్రయోగం సాధ్యమే కాదని చాలామంది అనుమానించారు. దీన్ని విశ్వం ఏర్పడినప్పటి తొలి నక్షత్రాలను చూసేలా టైమ్మిషిన్ తరహాలో రూపొందించటమూ కాలయాపనకు దారితీసింది. దీని నిర్మాణానికి 50కోట్ల డాలర్ల ఖర్చు అవుతుందని మొదట్లో భావించారు. అత్యంత సంక్లిష్టమైన, వినూత్న డిజైన్తో కూడిన దీన్ని పూర్తి చేయటానికి సుమారు 730 కోట్ల డాలర్లు ఖర్చయ్యింది. అయితేనేం? ఖర్చు పెట్టిన దాని కన్నా వెబ్ ఎన్నో రెట్లు ఎక్కు ఫలితాలు సాధిస్తుందని శాస్త్రవేత్తలు గట్టిగా నమ్ముతున్నారు. 400 ఏళ్లలో కనుగొనే విషయాలను ఒక దశాబ్దంలోనే గుర్తించొచ్చని ఆశిస్తున్నారు. అందుకే సమయం ఎక్కువ తీసుకున్నా, ఖర్చు ఎక్కువైనా వెనకాడకుండా అధునాతన పరిజ్ఞానంతో వెబ్ను రూపొందించారు.
ఎన్నెన్నో ప్రత్యకతలు
వెబ్ టెలిస్కోప్ వినూత్నమైన, విశిష్టమైన పరికరం అనటంలో ఎలాంటి అతిశయోక్తి లేదు. అంతరిక్షంలోకి ప్రయోగించనున్న అతి పెద్ద టెలిస్కోప్ ఇదే. హబుల్ టెలిస్కోప్ కన్నా దీని విస్తీర్ణం రెండున్నర రెట్లు ఎక్కువ. కాంతిని గ్రహించటానికి తోడ్పడే దీని ప్రధాన అద్దం 6.5 మీటర్ల వెడల్పుంటుంది. విస్తీర్ణంతో పోలిస్తే దీనికి కాంతిని గ్రహించే శక్తి చాలా ఎక్కువ.
* సూర్యుడి వైపు ఉండే టెలిస్కోప్ భాగం 85 డిగ్రీల సెంటీగ్రేడ్ వరకు వెడెక్కే అవకాశముంది. అందుకే టెలిస్కోప్ దెబ్బతినకుండా ఐదు పొరలతో ప్రత్యేక రక్షణ కవచాన్ని ఏర్పాటు చేశారు. ఇది 22 మీటర్ల పొడవుంటుంది. ఇక సూర్యుడికి అటువైపున ఉండే టెలిస్కోప్ భాగం అతి చల్లగా (మైనస్ 233 డిగ్రీల సెంటీగ్రేడ్) ఉంటుంది.
* పరారుణ కాంతిని వీలైనంత ఎక్కువగా గ్రహించటానికి వెబ్ టెలిస్కోప్ అద్దానికి బంగారు పూత పూశారు. ఇందుకోసం 49.25 గ్రాముల బంగారాన్ని వాడారు. బంగారం పూత దెబ్బతినకుండా దాని మీద అతి పలుచటి గ్లాసు పొరనూ ఏర్పాటు చేశారు.
* వెబ్ టెలిస్కోప్ అంతరిక్షంలో తన స్థానానికి చేరుకోవటానికి నెల పడుతుంది. ఇది భూమి నుంచి 15 లక్షల కిలోమీటర్ల దూరంలో.. లాగ్రాంగే పాయింట్ ఎల్2 వద్ద స్థిర పడుతుంది. పరారుణ కాంతికి దెబ్బతినకుండా.. భూమికి వీలైనంత దూరంలో, అవాంఛిత వేడిని పుట్టించేవేవీ లేనిచోట భద్రంగా ఉండటానికే టెలిస్కోప్ను ఇక్కడ ఉండేలా చూస్తున్నారు. పైగా ఇక్కడ్నుంచి విశ్వాన్ని మరింత స్పష్టంగా వీక్షించటానికీ వీలుంటుంది. కాకపోతే ఏదైనా భాగం చెడిపోతే మరమ్మతు చేయటానికి దీని వద్దకు వ్యోమగాములను పంపటానికి కుదరదు.
* ప్రధానమైన అద్దం చాలా పెద్దగా ఉంటుంది. ఆయా వస్తువుల నుంచి వచ్చే కాంతిని వీలైనంత ఎక్కువగా ఒడిసి పట్టుకోవటంలో ఇదే కీలకం. దీన్ని పద్దెనిమిది షడ్భుజి భాగాలుగా నిర్మించారు. ప్రయోగించటానికి ముందు మడిచి పెట్టటానికి, రోదసిలోకి వెళ్లాక తిరిగి తెరుచుకోవటానికిది వీలు కల్పిస్తుంది.
* వెబ్ టెలిస్కోప్ అతి స్పష్టంగా దృశ్యాలను తీస్తుంది. ఇది 40 కిలోమీటర్ల దూరంలో ఉన్న నాణాన్ని సైతం స్పష్టంగా చూపగలదు.
* ఇన్ఫ్రారెడ్ రేడియేషన్ సాయంతో నక్షత్రాలకు సమీపంలోని గ్రహాలను గుర్తిస్తుంది. నక్షత్ర కాంతి ప్రసరించే తీరును బట్టి సౌర మండలం ఆవలి గ్రహాల వాతావరణాలనూ లెక్కించగలదు. ఇలా వాటి మీద నీటి జాడలనూ పసిగడుతుంది. దీంతో జీవుల ఉనికి సైతం బయటపడుతుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
కార్చిచ్చు కహానీ!
ప్రకృతి విపత్తులనగానే వరదలు, తుపాన్లు, కరవులు, సుడిగుండాల వంటివే గుర్తుకొస్తాయి. కానీ అడవులు మండటమూ తక్కువేమీ కాదు. ఇటీవల మన దగ్గర శేషాచలం అడవుల్లో, ఉత్తరాఖండ్లో కార్చిచ్చు రేగటం తెలిసిందే. -
మెదడులాంటి కంప్యూటర్!
మనిషి మెదడులా పనిచేసే, ఒకే సమయంలో వేర్వేరుగా స్పందించే కంప్యూటర్లను రూపొందించాలని చాలాకాలంగా ప్రయత్నిస్తున్నారు. ఈ దిశగా ఇంటెల్ శాస్త్రవేత్తలు ముందడుగు వేశారు. ప్రపంచంలోనే అతి పెద్ద న్యూరోమార్ఫిక్ కంప్యూటర్ను రూపొందించారు. -
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
కంప్యూటర్కు బుర్ర!
మన మెదడు అద్భుతమైంది. హేతుబద్ధంగా వ్యవహరిస్తుంది. కార్య కారణాలను విశ్లేషించి ఒక నిర్ణయానికి వస్తుంది. ఉచితానుచితాలను బేరీజు వేస్తుంది. ఏ పని ఎలా చేస్తే ఎలాంటి ఫలితం వస్తుందో పసిగడుతుంది. -
ఫోన్ ట్యాప్ అయ్యిందా?
నేటి డిజిటల్ యుగంలో వ్యక్తిగత సమాచార గోప్యత, భద్రత అతి కీలకమయ్యాయి. అధునాతన నిఘా పద్ధతుల నేపథ్యంలో ఇవి మరింత ప్రాధాన్యం సంతరించు కుంటున్నాయి. నిత్య జీవితంలో విడదీయలేని పరికరంగా మారిన ఫోన్ల మీదా నిఘా వేయటం, ట్యాపింగ్ చేయటమూ చూస్తున్నాం. -
రోబో సేవలు చేసేనే..
మనిషికి మనిషి తోడంటారు. ఇప్పుడు మర మనిషీ (రోబో) చేయందిస్తోంది. ఒకపక్క అధునాతన హ్యూమనాయిడ్ రోబోల వెల్లువ సంచలనం సృష్టిస్తుండగా.. మరోపక్క మామూలు రోబోలూ సేవలకు సిద్ధమవుతున్నాయి. -
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం. -
భళారే డిజిటల్ విచిత్రం!
ఒకప్పటి కన్నా స్మార్ట్ఫోన్లు, ల్యాప్టాప్ల సామర్థ్యం, వేగం పుంజుకున్న మాట నిజం. కానీ ఆకారంలో పెద్దగా మారింది లేదు. ఒకసారి అంచులు చిన్నగా.. మరోసారి కెమెరా బంప్లు పెద్దగా ఉండటం తప్పించి దాదాపు అలాగే కనిపిస్తుంటాయి. -
కృత్రిమ మేధ గుండె కాయ
కృత్రిమ మేధ.. కృత్రిమ మేధ.. కృత్రిమ మేధ. శాస్త్ర, సాంకేతిక రంగాల్లో ఎక్కడ చూసినా ఈ పేరే మార్మోగుతోంది. -
ఇక ఏఐ సినిమా!
పదాల కూర్పు ఆధారంగా చిటికెలో ఫొటోలు, చిత్రాలు, సంగీతం, పాటలను పుట్టిస్తున్న కృత్రిమ మేధ (ఏఐ) మరో అడుగు ముందుకేసింది. ఏకంగా వీడియోలనూ సృష్టించే స్థాయికి చేరుకుంది. విప్లవాత్మక ఛాట్జీపీటీని రూపొందించిన ఓపెన్ఏఐ సంస్థ కొత్తగా తీసుకొచ్చిన జనరేటివ్ కృత్రిమ మేధ (జెన్ఏఐ) మోడలే దీనికి నిదర్శనం. -
ఈ విశ్వ కిరణాలు..
విశ్వ కిరణాలు.. కాస్మిక్ రేస్. అంతరిక్షం ఆవలి నుంచి దూసుకొచ్చే ఇవి నిరంతరం అతి వేగంగా.. దాదాపు కాంతి వేగంతో సమానంగా విశ్వమంతటా ప్రయాణిస్తుంటాయి. వీటి మీద మొదటి నుంచీ శాస్త్రవేత్తలకు ఎంతో ఆసక్తి. ఎందుకంటే అంతరిక్షంలో పుట్టుకొచ్చిన చోటు, ఢీకొట్టిన వస్తువులను బట్టి ఇవి విశ్వానికి సంబంధించిన ఎన్నో విషయాలను వివరిస్తాయి. -
ప్రేమ శాస్త్రం!
ప్రేమ ఎందుకు పుడుతుందో, ఎవరి మీద పుడుతుందో తెలియదు. ఒకరికి నచ్చిన వ్యక్తి మరొకరికి నచ్చకపోవచ్చు. ఒకరికి అసలే నచ్చనివారు మరొకరికి ప్రాణం కన్నా మిన్నగా అనిపించ్చొచ్చు. -
ఫోల్డర్ మాయలు
విండోస్ పీసీలో రోజూ ఫోల్డర్లను వాడుతూనే ఉంటాం. కొత్త ఫైళ్లను స్టోర్ చేయటం, డేటాను వరుసగా పెట్టుకోవటం.. ఇలా ఎన్నింటికో వీటిని ఉపయో గిస్తుంటాం. మరి అదృశ్య ఫోల్డర్ను సృష్టించుకోగలరా? ఒకేసారి బోలెడన్ని ఫోల్డర్ల పేర్లను మార్చుకోగలరా? ఖాళీ ఫోల్డర్లను గుర్తించగలరా? ఇలాంటి కొన్ని చిత్రమైన ఫోల్డర్ చిట్కాల గురించి తెలుసుకుందాం. -
అమెజాన్ అడుగున బంగారు నేల
అమెజాన్ అనగానే దట్టమైన అడవులే గుర్తుకొస్తాయి. మనుషులు దూరటానికి వీల్లేని అక్కడ ఒకప్పుడు పెద్ద పట్టణమే ఉండేదని ఇటీవల తేలటం అందరినీ ఆశ్చర్యపరచింది -
ఏఐ టెక్కులు!
అసలే కృత్రిమ మేధ (ఏఐ) యుగం. ఆపై ప్రపంచంలోనే అతి పెద్ద ఎలక్ట్రానిక్ వస్తు ప్రదర్శన. ఇక చెప్పేదేముంది? ఏ పరికరాన్ని చూసినా ఏఐమయమే. హెల్త్ ట్రాకర్ల దగ్గరి నుంచి వాహనాల వరకూ అన్నింటికీ అదే ఆలంబన. -
Cyber Crime: నయా సైడర్!
నేటి సైబర్ యుగంలో నేరాలూ మారిపోతున్నాయి. ఆన్లైన్ మోసాలు కోకొల్లలు. డెబిట్, క్రెడిట్ కార్డు వివరాలు చోరీ చేసి మన ప్రమేయమేమీ లేకుండానే నేరగాళ్లు షాపింగ్ చేయటం తెలిసిందే -
కొత్త టెక్ లోకం
డిజిటల్ పరిణామం ఆగేది కాదు. ఇదో నిరంతర ప్రక్రియ. గత ఏడాదిని గతి తిప్పిన ట్రెండ్స్ కొత్త సంవత్సరాన్నీ పరుగులు తీయించనున్నాయి. మెషిన్ ఇంటెలిజెన్స్ జోరందుకోనుంది. వాస్తవ, కాల్పనిక ప్రపంచాల మధ్య హద్దులు చెరగటం ఖాయంగా కనిపిస్తోంటే.. నిరంతర అంతర్జాల పరిణామ ప్రక్రియ మన జీవితాలను గణనీయంగా శాసించేలా రూపుదిద్దుకుంటోంది. -
ఇస్రో ఏఐ వత్సరం 2024
ఇది మనదేశం జాబిల్లిని తాకి ప్రపంచాన్ని సంభ్రమాశ్చర్యాల్లో ముంచిన సంవత్సరం.ఇది కృత్రిమ మేధ ప్రయోగశాలలను దాటుకొని నిత్య జీవన వ్యవహారాల్లోకి విరివిగా చొచ్చుకొచ్చిన సంవత్సరం.శాస్త్ర, సాంకేతిక రంగాలు ఒకదాంతో మరోటి పోటీ పడుతూ కొత్త వత్సరంలోకి అడుగిడుతున్న వేళ సాధించిన ఘనతలను సమీక్షించుకోవటం ముదావహం.
తాజా వార్తలు (Latest News)
-
‘ఏఐ కాదు అణుబాంబు..’ తన డీప్ఫేక్ వీడియోపై వారెన్ బఫెట్ రియాక్షన్
-
హరియాణాలో భాజపా సర్కార్కు ఎదురుదెబ్బ.. మద్దతు ఉపసంహరించుకున్న ముగ్గురు ఎమ్మెల్యేలు!
-
నా లెక్కల మాస్టర్కి లెక్కేయలేనంత ప్రేమతో.. సుకుమార్కి బుచ్చిబాబు లేఖ
-
ఈనాడు.నెట్లో టాప్ 10 వార్తలు @ 9PM
-
భారత్ స్నేహ పూర్వకమే కాదు.. శక్తిమంతమైనది కూడా: జైశంకర్
-
దేశంలో పెరుగుతున్న ఘోస్ట్ మాల్స్.. ఇంతకీ ఏమిటివి...?