జేమ్స్ వెబ్ 365
నక్షత్రాల పుట్టుకను చూపించింది. సుదూర గ్రహాల వాతావరణాన్నీ కళ్లకు కట్టింది. తాజాగా తొలిసారిగా కృష్ణ నక్షత్రాల (డార్క్ స్టార్స్) ఉనికినీ పసిగట్టింది. విశ్వాంతరాళ రహస్యాలను ఛేదించటానికి నాసా ప్రయోగించిన అతిపెద్ద, అత్యాధునిక జేమ్స్ వెబ్ టెలిస్కోప్ ఇలా ప్రతీసారీ ఆశ్చర్యపరుస్తూనే ఉంది.
నక్షత్రాల పుట్టుకను చూపించింది. సుదూర గ్రహాల వాతావరణాన్నీ కళ్లకు కట్టింది. తాజాగా తొలిసారిగా కృష్ణ నక్షత్రాల (డార్క్ స్టార్స్) ఉనికినీ పసిగట్టింది. విశ్వాంతరాళ రహస్యాలను ఛేదించటానికి నాసా ప్రయోగించిన అతిపెద్ద, అత్యాధునిక జేమ్స్ వెబ్ టెలిస్కోప్ ఇలా ప్రతీసారీ ఆశ్చర్యపరుస్తూనే ఉంది. హబుల్ స్పేస్ టెలిస్కోప్ అనుయాయిగా బాధ్యతలు చేపట్టి దాన్నే మించిపోయింది. కంటికి కనిపించని పరారుణ కాంతి సాయంతో మునుపెన్నడూ చూడని అంతరిక్ష దృశ్యాలతో ఆకట్టుకుంటూనే ఉంది. విశ్వదర్శినిగా పేరొందిన ఈ టెలిస్కోప్ గత సంవత్సరం జులైలో తొలి చిత్రాన్ని పంపించింది. అప్పటి నుంచీ ఎన్నెన్నో అపురూప దృశ్యాలను అందిస్తూనే ఉంది. మొదటి ఏడాదిలో జేమ్స్ వెబ్ పంపించిన వాటిల్లో మేటిగా నిలిచిన కొన్ని దృశ్యాల సమాహారం ఇదిగో..
నక్షత్ర మండల కుటుంబం
నక్షత్ర మండలాలంటేనే బోలెడన్ని చుక్కల సముదాయం. అలాంటిది ఐదు నక్షత్ర మండలాలు ఒకేచోట చేరితే? చూడటానికి రెండు కళ్లూ చాలవు. అలాంటి అద్భుతాన్నే కళ్లకు కట్టింది జేమ్స్ వెబ్. ఈ నక్షత్ర సముదాయం పేరు స్టెఫాన్స్ క్వింటెట్. వీటిల్లో నాలుగు స్పష్టంగా కనిపిస్తుండగా.. ఐదోది వీటి వెనకాల దాగి ఉంది. ఇవన్నీ గురుత్వాకర్షణ ప్రభావంతో ఒకదాంతో మరోటి అనుసంధానమై ఉన్నాయి. వీటి వెలుగులు ఈనాటివి కావు. దాదాపు 1,300 కోట్ల సంవత్సరాల క్రితం నాటివి. అంటే విశ్వం ఆవిర్భావానికి మూలమైన బిగ్ బ్యాంగ్ సంభవించిన 80 కోట్ల ఏళ్ల తర్వాత మెరిసిన వెలుగులు అన్నమాట. నక్షత్ర మండలాలు ఎలా దగ్గరికి చేరుకుంటాయి? కొన్నిసార్లు అవి ఎందుకు కలిసిపోతాయి? అనే వాటిపై అధ్యయనం చేయటానికి స్టెఫాన్స్ క్వింటెట్ వంటి నక్షత్ర సముదాయాలు ఉపయోగపడతాయి. విశ్వం తొలినాళ్లలో నక్షత్ర మండలాలు కలవటం మామూలేనని, వీటి మూలంగానే మహా నక్షత్ర మండలాలు ఏర్పడ్డాయన్నది శాస్త్రవేత్తల భావన. ఇలాంటి అంతర్ నక్షత్ర మండలాల చర్యలే వాయువును అస్తవ్యస్తం చేసి నక్షత్రాల ఏర్పాటు, కృష్ణ బిలాల పుట్టుకనూ ప్రేరేపిస్తుంటాయి.
అంతరిక్ష శిఖరాల సోయగం
కేరినా నెబ్యులాలో వాయు మేఘం, ధూళి పైకి ఎగుస్తున్న తీరు చూసినకొద్దీ చూడాలనిపిస్తుంది. భూమి మీద పర్వతాల మాదిరిగా కనిపిస్తుండటం వల్ల ఈ ప్రాంతాన్ని ‘అంతరిక్ష శిఖరాలు’ (కాస్మిక్ క్లిఫ్స్) అని పిలుచుకుంటున్నారు. మన భూమి నుంచి సుమారు 7,500 కాంతి సంవత్సరాల దూరంలో ఉన్న వీటిని జేమ్స్ వెబ్ స్పష్టంగా, కమనీయంగా చిత్రీకరించింది. కొత్తగా ఏర్పడిన నక్షత్రాల నుంచి వెలువడే అతి నీలలోహిత కాంతి పుంజాలతో వాయు ధూళి మేఘం చెదిరిపోవటం వల్ల ఈ ఆకారాలు రూపొందాయి. అంతరిక్ష ‘పర్వతాల’ నుంచి వెలువడుతున్న ప్రవాహం మాదిరిగా కనిపిస్తున్నప్పటికీ నిజానికిది రేడియేషన్ మూలంగా పేలిపోయిన అయోనైజ్డ్ వాయువు, వేడి దుమ్ము సమూహమే. ఈ ప్రాంతం గురించి ఖగోళ శాస్త్రవేత్తలకు ఇంతకుముందే తెలిసినా జేమ్స్ వెబ్ సరికొత్త రూపంలో చూపించింది.
సృష్టి స్తంభాల కనువిందు
అప్పట్లో హబుల్ టెలిస్కోప్ పంపించిన అద్భుత ‘సృష్టి స్తంభాల’ చిత్రం శాస్త్రవేత్తలనే అబ్బురపరిచింది. ఈగల్ నెబ్యులాలో భాగమైన వాయు మేఘాలు నిట్ట నిలువుగా పైకి ఎగుస్తుండటం, వీటి ముందూ వెనకా నక్షత్రాలు మిణుకు మిణుకు మనటం అందరినీ ఆకట్టుకుంది. జేమ్స్ వెబ్ టెలిస్కోప్ దీన్ని మరింత ఆకర్షణీయంగా చిత్రీకరించింది. నెబ్యులా మేఘాల నిండా పరచుకున్న చిన్న ఎరుపు నక్షత్రాలను కళ్లకు కట్టింది. తమ అంతర్భాగంలో హైడ్రోజన్ను మండించేంత పెద్దగా లేకపోవటం వల్ల శాస్త్రవేత్తలు వీటిని ‘ప్రోటోస్టార్స్’ అని పిలుచుకుంటున్నారు. దట్టమైన వాయు మేఘాలు, ధూళి వెనక దాక్కొని ఉండటం వల్ల హబుల్ టెలిస్కోప్ వీటి వెలుపలి అంచులనే చిత్రీకరించింది. జేమ్స్ టెలిస్కోప్ పుణ్యమాని నెబ్యులాలో నక్షత్రాలు పుట్టుకొచ్చే ఈ ప్రాంతం స్పష్టంగా ఆవిష్కృతమైంది. ఇది భూమికి 7వేల కాంతి సంవత్సరాల దూరంలో ఉంది. నక్షత్రాల ఏర్పాటును అధ్యయనం చేయటానికిది ఈ ప్రాంతాన్ని శాస్త్రవేత్తలు ప్రయోగశాలగా భావిస్తుండటం విశేషం.
ఆవలి గ్రహం గుర్తింపు
సౌర మండలం ఆవలి గ్రహాలను గుర్తించటం చాలా కష్టం. ఇవి తమ నక్షత్రం నుంచి వెలువడే ప్రకాశవంతమైన కాంతితో మసకబారి ఉంటాయి. ఇలాంటి ఒక గ్రహం ఉనికినీ జేమ్స్ వెబ్ పసిగట్టింది. దీని పేరు హెచ్ఐపీ 65426 బి. అతిథి నక్షత్రం నుంచి వెలువడే కాంతిని అడ్డుకునే కొరోనాగ్రాఫ్ సాయంతో దీన్ని గుర్తించింది. హెచ్ఐపీ 65426 బిని మహా వాయు గ్రహంగా భావిస్తున్నారు. ఇది గురు గ్రహం కన్నా 12 రెట్లు పెద్దది! భూమి-సూర్యుడికి మధ్య ఉన్న దూరం కన్నా 100 రెట్ల ఎక్కువ దూరంతో తన నక్షత్రం చుట్టూ తిరుగుతుండటం గమనార్హం. ఈ గ్రహం ఉపరితలం గట్టిగా లేకపోవటం వల్ల జీవం ఉండే అవకాశం లేకపోవచ్చు గానీ దీన్ని చిత్రీకరించటం నిజంగా గొప్ప విషయమే.
గ్రహాల వాతావరణం గుట్టు
జేమ్స్ వెబ్ సాధించిన గొప్ప విజయాల్లో ఒకటి- భూమి నుంచి వేలాది కాంతి సంవత్సరాల దూరంలో నక్షత్రాల చుట్టూ తిరిగే గ్రహాల వాతావరణానికి సంబంధించిన సమాచారాన్ని అందించటం. వీటిల్లో ఒకటి వాస్ప్-39 బి. ఇది భారీ వాయు గ్రహం. సుమారు శని గ్రహమంత ద్రవ్యరాశి కలిగుంది. కాకపోతే తన నక్షత్రానికి చాలా దగ్గరి కక్ష్యలో తిరుగాడుతోంది. వెబ్ టెలిస్కోప్లోని పరికరాల సాయంతో శాస్త్రవేత్తలు దీని వాతావరణంలోని రసాయన తీరుతెన్నులనూ పరీక్షించారు. అక్కడ నీటి ఆవిరి, సల్ఫర్ ఆక్సైడ్, కార్బన్ మోనాక్సైడ్, సోడియం, పొటాషియం ఉన్నట్టు గుర్తించారు. అన్నింటికన్నా చిత్రమైంది సల్ఫర్ ఆక్సైడ్ ఉండటం. ఈ గ్రహం చాలా వేడిగా ఉంటుంది. అలాంటి పరిస్థితుల్లో సల్ఫర్ ఆక్సైడ్ పుట్టుకురావటం అసాధ్యం. కానీ రసాయనాలను తీవ్రమైన కాంతి ఢీకొట్టటం (ఫొటోకెమిస్ట్రీ) వంటి అసాధారణ ప్రతిచర్యలతో ఇది సాధ్యమై ఉండొచ్చని భావిస్తున్నారు. ఇక్కడ నక్షత్రం నుంచి వెలువడే కాంతి గ్రహం వాతావరణంలోని నీటి అణువులను తాకుతోంది. ఇంత కచ్చితంగా ఇలాంటి ప్రక్రియలను మునుపెన్నడూ శాస్త్రవేత్తలు చూడలేదు. ఇది జేమ్స్తోనే సాధ్యమైంది.
నక్షత్ర అలలు
జేమ్స్ చిత్రించిన మరో అసాధారణ దృశ్యమిది. ఇందులో కనిపిస్తున్నది వోల్ఫ్-రేయర్ (డబ్ల్యూఆర్) 140 నక్షత్రం. ఇలాంటి నక్షత్రాల వాతావరణంలో అయోనైజ్డ్ హీలియం, నత్రజని, కార్బన్ ఉంటాయి. డబ్ల్యూఆర్ 140 నక్షత్రం చుట్టూ వలయాలు ఏర్పడటం విచిత్రం. చూడటానికిది కళాకారులు గీసిన చిత్రంలా అనిపించినా ఇది అంతరిక్షంలో నిజంగా వెలిసిన దృశ్యం. ఈ వలయాలు నక్షత్రం చుట్టూ ఉండే శంఖ పదార్థాలు కావొచ్చని శాస్త్రవేత్తలు భావిస్తున్నారు. ఒకటిగా కనిపిస్తున్నప్పటికీ ఇది రెండు నక్షత్రాల వ్యవస్థ. ఇవి ప్రతి 8 సంవత్సరాలకు ఒకసారి దగ్గరగా వస్తుంటాయి. ఇలా రెండు నక్షత్రాలు ఒకదాని దగ్గరికి మరోటి వచ్చినప్పుడు ‘అంతరిక్ష గాలుల’ను.. అంటే ఆవేశిత రేణువులను పెద్దమొత్తంలో వెలువరిస్తుంటాయి. ఇవి చుట్టుపక్కల వాయువు, ధూళిని నెట్టేస్తుంటాయి. వలయాల మధ్య నిర్ణీత ఎడమ ఉండటం వల్ల ఇవి తరచూ ఏర్పడుతుండొచ్చని అనుకుంటున్నారు. మొత్తం 17 వలయాలను లెక్కించారు.
అంతరిక్ష లోతుల గుట్టు రట్టు
జేమ్స్ వెబ్ టెలిస్కోప్ తీసిన చిత్రాల్లో ప్రజల కోసం విడుదల చేసిన తొలి చిత్రం ఇదే. దీన్ని అమెరికా అధ్యక్షుడు గత జులైలో విడుదల చేశారు. హబుల్ టెలిస్కోప్ కన్నా మరింత వేగంతో కేవలం 12 గంటల్లోనే జేమ్స్ వెబ్ దీన్ని చిత్రీకరించింది. ఇందులో ఎస్ఎంఏసీఎస్ 0723 అనే నక్షత్ర మండలాల సముదాయం ప్రధానంగా కనిపిస్తుంది. భూమికి 500 కోట్ల కాంతి సంవత్సరాల దూరంలోని ఇందులో వేలాది నక్షత్ర మండలాలు ఇమిడి ఉండటం గమనార్హం. దీనిలోని నక్షత్రాలు అతి పురాతనమైనవి. పెద్దగా మారలేదు కూడా. దీన్ని మిణుగురు నక్షత్ర మండలంగానూ శాస్త్రవేత్తలు అభివర్ణించారు. దీని చుట్టూ మిణుగురుల మాదిరిగా పసుపు-ఎరుపు చుక్కలు కనిపిస్తున్నాయి మరి. వీటిని కళ్లకు కట్టటం జేమ్స్ వెబ్కే సాధ్యమైంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మెదడులాంటి కంప్యూటర్!
మనిషి మెదడులా పనిచేసే, ఒకే సమయంలో వేర్వేరుగా స్పందించే కంప్యూటర్లను రూపొందించాలని చాలాకాలంగా ప్రయత్నిస్తున్నారు. ఈ దిశగా ఇంటెల్ శాస్త్రవేత్తలు ముందడుగు వేశారు. ప్రపంచంలోనే అతి పెద్ద న్యూరోమార్ఫిక్ కంప్యూటర్ను రూపొందించారు. -
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
కంప్యూటర్కు బుర్ర!
మన మెదడు అద్భుతమైంది. హేతుబద్ధంగా వ్యవహరిస్తుంది. కార్య కారణాలను విశ్లేషించి ఒక నిర్ణయానికి వస్తుంది. ఉచితానుచితాలను బేరీజు వేస్తుంది. ఏ పని ఎలా చేస్తే ఎలాంటి ఫలితం వస్తుందో పసిగడుతుంది. -
ఫోన్ ట్యాప్ అయ్యిందా?
నేటి డిజిటల్ యుగంలో వ్యక్తిగత సమాచార గోప్యత, భద్రత అతి కీలకమయ్యాయి. అధునాతన నిఘా పద్ధతుల నేపథ్యంలో ఇవి మరింత ప్రాధాన్యం సంతరించు కుంటున్నాయి. నిత్య జీవితంలో విడదీయలేని పరికరంగా మారిన ఫోన్ల మీదా నిఘా వేయటం, ట్యాపింగ్ చేయటమూ చూస్తున్నాం. -
రోబో సేవలు చేసేనే..
మనిషికి మనిషి తోడంటారు. ఇప్పుడు మర మనిషీ (రోబో) చేయందిస్తోంది. ఒకపక్క అధునాతన హ్యూమనాయిడ్ రోబోల వెల్లువ సంచలనం సృష్టిస్తుండగా.. మరోపక్క మామూలు రోబోలూ సేవలకు సిద్ధమవుతున్నాయి. -
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం. -
భళారే డిజిటల్ విచిత్రం!
ఒకప్పటి కన్నా స్మార్ట్ఫోన్లు, ల్యాప్టాప్ల సామర్థ్యం, వేగం పుంజుకున్న మాట నిజం. కానీ ఆకారంలో పెద్దగా మారింది లేదు. ఒకసారి అంచులు చిన్నగా.. మరోసారి కెమెరా బంప్లు పెద్దగా ఉండటం తప్పించి దాదాపు అలాగే కనిపిస్తుంటాయి. -
కృత్రిమ మేధ గుండె కాయ
కృత్రిమ మేధ.. కృత్రిమ మేధ.. కృత్రిమ మేధ. శాస్త్ర, సాంకేతిక రంగాల్లో ఎక్కడ చూసినా ఈ పేరే మార్మోగుతోంది. -
ఇక ఏఐ సినిమా!
పదాల కూర్పు ఆధారంగా చిటికెలో ఫొటోలు, చిత్రాలు, సంగీతం, పాటలను పుట్టిస్తున్న కృత్రిమ మేధ (ఏఐ) మరో అడుగు ముందుకేసింది. ఏకంగా వీడియోలనూ సృష్టించే స్థాయికి చేరుకుంది. విప్లవాత్మక ఛాట్జీపీటీని రూపొందించిన ఓపెన్ఏఐ సంస్థ కొత్తగా తీసుకొచ్చిన జనరేటివ్ కృత్రిమ మేధ (జెన్ఏఐ) మోడలే దీనికి నిదర్శనం. -
ఈ విశ్వ కిరణాలు..
విశ్వ కిరణాలు.. కాస్మిక్ రేస్. అంతరిక్షం ఆవలి నుంచి దూసుకొచ్చే ఇవి నిరంతరం అతి వేగంగా.. దాదాపు కాంతి వేగంతో సమానంగా విశ్వమంతటా ప్రయాణిస్తుంటాయి. వీటి మీద మొదటి నుంచీ శాస్త్రవేత్తలకు ఎంతో ఆసక్తి. ఎందుకంటే అంతరిక్షంలో పుట్టుకొచ్చిన చోటు, ఢీకొట్టిన వస్తువులను బట్టి ఇవి విశ్వానికి సంబంధించిన ఎన్నో విషయాలను వివరిస్తాయి. -
ప్రేమ శాస్త్రం!
ప్రేమ ఎందుకు పుడుతుందో, ఎవరి మీద పుడుతుందో తెలియదు. ఒకరికి నచ్చిన వ్యక్తి మరొకరికి నచ్చకపోవచ్చు. ఒకరికి అసలే నచ్చనివారు మరొకరికి ప్రాణం కన్నా మిన్నగా అనిపించ్చొచ్చు. -
ఫోల్డర్ మాయలు
విండోస్ పీసీలో రోజూ ఫోల్డర్లను వాడుతూనే ఉంటాం. కొత్త ఫైళ్లను స్టోర్ చేయటం, డేటాను వరుసగా పెట్టుకోవటం.. ఇలా ఎన్నింటికో వీటిని ఉపయో గిస్తుంటాం. మరి అదృశ్య ఫోల్డర్ను సృష్టించుకోగలరా? ఒకేసారి బోలెడన్ని ఫోల్డర్ల పేర్లను మార్చుకోగలరా? ఖాళీ ఫోల్డర్లను గుర్తించగలరా? ఇలాంటి కొన్ని చిత్రమైన ఫోల్డర్ చిట్కాల గురించి తెలుసుకుందాం. -
అమెజాన్ అడుగున బంగారు నేల
అమెజాన్ అనగానే దట్టమైన అడవులే గుర్తుకొస్తాయి. మనుషులు దూరటానికి వీల్లేని అక్కడ ఒకప్పుడు పెద్ద పట్టణమే ఉండేదని ఇటీవల తేలటం అందరినీ ఆశ్చర్యపరచింది -
ఏఐ టెక్కులు!
అసలే కృత్రిమ మేధ (ఏఐ) యుగం. ఆపై ప్రపంచంలోనే అతి పెద్ద ఎలక్ట్రానిక్ వస్తు ప్రదర్శన. ఇక చెప్పేదేముంది? ఏ పరికరాన్ని చూసినా ఏఐమయమే. హెల్త్ ట్రాకర్ల దగ్గరి నుంచి వాహనాల వరకూ అన్నింటికీ అదే ఆలంబన. -
Cyber Crime: నయా సైడర్!
నేటి సైబర్ యుగంలో నేరాలూ మారిపోతున్నాయి. ఆన్లైన్ మోసాలు కోకొల్లలు. డెబిట్, క్రెడిట్ కార్డు వివరాలు చోరీ చేసి మన ప్రమేయమేమీ లేకుండానే నేరగాళ్లు షాపింగ్ చేయటం తెలిసిందే -
కొత్త టెక్ లోకం
డిజిటల్ పరిణామం ఆగేది కాదు. ఇదో నిరంతర ప్రక్రియ. గత ఏడాదిని గతి తిప్పిన ట్రెండ్స్ కొత్త సంవత్సరాన్నీ పరుగులు తీయించనున్నాయి. మెషిన్ ఇంటెలిజెన్స్ జోరందుకోనుంది. వాస్తవ, కాల్పనిక ప్రపంచాల మధ్య హద్దులు చెరగటం ఖాయంగా కనిపిస్తోంటే.. నిరంతర అంతర్జాల పరిణామ ప్రక్రియ మన జీవితాలను గణనీయంగా శాసించేలా రూపుదిద్దుకుంటోంది. -
ఇస్రో ఏఐ వత్సరం 2024
ఇది మనదేశం జాబిల్లిని తాకి ప్రపంచాన్ని సంభ్రమాశ్చర్యాల్లో ముంచిన సంవత్సరం.ఇది కృత్రిమ మేధ ప్రయోగశాలలను దాటుకొని నిత్య జీవన వ్యవహారాల్లోకి విరివిగా చొచ్చుకొచ్చిన సంవత్సరం.శాస్త్ర, సాంకేతిక రంగాలు ఒకదాంతో మరోటి పోటీ పడుతూ కొత్త వత్సరంలోకి అడుగిడుతున్న వేళ సాధించిన ఘనతలను సమీక్షించుకోవటం ముదావహం. -
స్థానిక మేధ
కృత్రిమ మేధ (ఏఐ) తీరు మారుతోంది. ఆంగ్లం గడపను దాటుకొని స్థానిక భాషలపై దృష్టి సారిస్తోంది. ఆయా భాషల వైవిధ్యం, యాసలు, సంస్కృతులకు అనుగుణంగా రూపాంతరం చెందుతోంది.
తాజా వార్తలు (Latest News)
-
జైల్లో కేజ్రీవాల్ ఆరోగ్యంగానే..: ఎయిమ్స్ మెడికల్ బోర్డు..!
-
దాదాపు 900 రన్స్ చేశా.. చోటు దక్కకపోతే చాలా బాధపడతా: గిల్
-
ఆలిన్ హెర్బల్ పరిశ్రమలో మళ్లీ వ్యాపించిన మంటలు
-
రోడ్డుపై పల్టీలు కొట్టి, చెట్టుపై ఇరుక్కుపోయి: అమెరికా కారు ప్రమాదంలో 3 భారతీయులు దుర్మరణం
-
ఈ 20 ఏళ్లలో నా జుట్టు కూడా మారింది కానీ..: సుందర్ పిచాయ్
-
హాలీవుడ్కు వెళ్లాక భయపడ్డా.. ఆ భావన మనసును కుంగదీసింది: ప్రియాంక చోప్రా