Nagababu: చంద్రబాబు అరెస్టుపై జనసైనికులు ఆవేదనతో ఉన్నారు: నాగబాబు

చంద్రబాబు (Chandrababu)ను అరెస్టు చేయడం బాధ కలిగించిందని జనసేన (Janasena) పార్టీ రాష్ట్ర ప్రధాన కార్యదర్శి నాగబాబు (Nagababu) అన్నారు. తిరుపతిలో నిర్వహించిన ఉమ్మడి చిత్తూరు జిల్లా జనసేన కార్యకర్తల సమావేశంలో ఆయన పాల్గొన్నారు. అనంతరం మీడియాతో మాట్లాడుతూ.. చంద్రబాబు అరెస్టుపై జనసైనికులు ఆవేదనతో ఉన్నారని ఆయన తెలిపారు. తెదేపా-జనసేన పొత్తును జనసేన సైనికులు స్వాగతిస్తున్నారని, ఎక్కడా అసంతృప్తి లేదన్నారు. ఎవరెవరు ఎక్కడెక్కడ నుంచి పోటీ చేస్తారో త్వరలోనే పవన్ కల్యాణ్ ప్రకటిస్తారని ఆయన తెలిపారు.