Viral Video: ఇదీ సమయస్ఫూర్తి.. ధైర్యం అంటే..!

పట్నా: అనుకోని ప్రమాదంలో చిక్కుకుంటే సహజంగానే ఆ సమయంలో ఏమీ తోచదు. అలాంటప్పుడు ధైర్యంగా ఉంటూ సమయస్ఫూర్తితో వ్యవహరిస్తే దాన్నుంచి బయటపడొచ్చు. మరీ ప్రాణాలమీదికి వచ్చే విషయాల్లో ‘షార్ప్‌’గా ఆలోచిస్తే ప్రమాదం నుంచి తప్పించుకోవచ్చు. బిహార్‌లోని పట్నాలో ఓ వ్యక్తి ఇలాగే తన ప్రాణాలను కాపాడుకున్నాడు. 

వివరాల్లోకి వెళితే.. పట్నా రైల్వేస్టేషన్‌లో రైలు రావడానికి ముందు ఓ వ్యక్తి ప్రమాదవశాత్తు కాలుజారి పట్టాలపై పడిపోయాడు. ఆయన తేరుకుని పైకి వచ్చేందుకు యత్నించేలోపే రైలు దూసుకొచ్చేసింది. వెంటనే సమయస్ఫూర్తిని ప్రదర్శించిన సదరు వ్యక్తి.. రైలు పట్టాల మధ్యలో కదలకుండా అలాగే ఉండిపోయాడు. రైలు వెళ్లిపోగానే పట్టాల పైనుంచి లేచి బయటకు వచ్చేశాడు. ఈ దృశ్యాన్ని చూసిన ప్రయాణికులు భయంతో వణికిపోయారు. ఆ సమయంలో ఓ వ్యక్తి తీసిన వీడియో ఇప్పుడు వైరల్‌గా మారింది.