ఏపీఎల్‌ హెల్త్‌కేర్‌ కిందకు నెల్లూరు యూనిట్‌

అరబిందో ఫార్మా నిర్ణయం

ఈనాడు, హైదరాబాద్‌: నెల్లూరు జిల్లాలోని ప్రత్యేక ఆర్థిక మండలి (ఎస్‌ఈజడ్‌)లో ఉన్న అరబిందో ఫార్మాకు చెందిన తుది ఔషధాల (ఫార్ములేషన్లు) తయారీ యూనిట్‌ను ఏపీఎల్‌ హెల్త్‌కేర్‌ పేరుతో ఏర్పాటు చేసిన సబ్సిడరీ కంపెనీ కిందకు మార్చనున్నారు. ఇందుకు అరబిందో ఫార్మా డైరెక్టర్ల బోర్డు ఆమోదం తెలిపింది. ఈ లావాదేవీ విలువ దాదాపు రూ.1091 కోట్లు. అలాగే లైఫస్‌ ఫార్మా అనే మరొక అనుబంధ కంపెనీని అరబిందో యాంటీబయాటిక్స్‌ అనే మరొక అనుబంధ కంపెనీ కిందకు, కూలే ఫార్మా అనే మరొక అనుబంధ కంపెనీని అరబిందో యాంటీబయాటిక్స్‌కు మారుస్తారు.