వాహన ప్రదర్శన- 2022 వాయిదా: సియామ్‌

దిల్లీ: వచ్చే ఏడాది ఫిబ్రవరిలో గ్రేటర్‌ నోయిడాలో జరగాల్సిన వాహన ప్రదర్శన-2022ను వాయిదా వేస్తున్నట్లు వాహన తయారీ కంపెనీల సంఘం (సియామ్‌) తెలిపింది. ప్రస్తుత కొవిడ్‌-19 పరిణామాలతో పాటు మూడో దశ రావొచ్చన్న అంచనాల నేపథ్యంలో ఈ నిర్ణయం తీసుకున్నట్లు వెల్లడించింది. చివరిసారిగా 2020 ఫిబ్రవరిలో ఈ వాహన ప్రదర్శన జరగడం గమనార్హం.

సంక్షిప్తంగా

* వంట నూనెల దిగ్గజం అదానీ విల్మర్‌ లిమిటెడ్‌ (ఏడబ్ల్యూఎల్‌) రూ.4,500 కోట్ల నిధుల సమీకరణకు తొలి పబ్లిక్‌ ఆఫర్‌కు (ఐపీఓ) వచ్చేందుకు మార్కెట్ల నియంత్రణ సంస్థ సెబీకి దరఖాస్తు చేసింది.

* కొవిడ్‌-19 చికిత్స కోసం వినియోగించే నైట్రిక్‌ ఆక్సైడ్‌ నాసల్‌ స్ప్రేను భారత్‌, ఇతర ఆసియా విపణుల్లో వాణిజ్యీకరించేందుకు కెనడా బయోటెక్‌ సంస్థ శానోటైజ్‌ రీసెర్చ్‌ అండ్‌ డెవలప్‌మెంట్‌తో గ్లెన్‌మార్క్‌ ఫార్మా ఒప్పందం కుదుర్చుకుంది.

* భారత్‌లో తయారీ రంగ కార్యకలాపాలు జులైలో పుంజుకున్నాయి. ఐహెచ్‌ఎస్‌ మార్కిట్‌ ఇండియా పర్చేజింగ్‌ మేనేజర్స్‌ ఇండెక్స్‌ (పీఎంఐ) 55.3 శాతానికి చేరింది. జూన్‌లో ఇది 48.1 శాతంగా ఉంది.

* జాగ్వార్‌ ఎఫ్‌-టైప్‌ ఆర్‌-డైనమిక్‌ బ్లాక్‌ మోడళ్లకు భారత్‌లో బుకింగ్‌లు మొదలుపెట్టినట్లు జాగ్వార్‌ ల్యాండ్‌ రోవర్‌ (జేఎల్‌ఆర్‌) వెల్లడించింది.

పట్టిక యాడ్‌
ఎంసీఎఫ్‌ 24.32 11.01 687.19 529.79