ఎఫ్‌డీలపై వడ్డీ రేట్లు సవరించిన బ్యాంక్‌ ఆఫ్‌ బరోడా

దిల్లీ: బ్యాంక్‌ ఆఫ్‌ బరోడా తన ఎఫ్‌డీలపై వడ్డీ రేట్లను పెంచింది. సాధారణ డిపాజిటర్లు 399 రోజుల ప్రత్యేక ఎఫ్‌డీపై గరిష్ఠంగా 7.05%, సీనియర్‌ సిటిజన్లు ఇదే కాలవ్యవధి ఎఫ్‌డీపై 7.55% గరిష్ఠ వడ్డీ రేటును పొందుతారు. సాధారణ డిపాజిటర్లు 7 రోజుల నుంచి 45 రోజుల ఎఫ్‌డీపై 3% కనిష్ఠ వడ్డీ రేటును పొందుతారు. ఒక ఏడాది నుంచి 10 ఏళ్ల డిపాజిట్లపై సాధారణ డిపాజిటర్లు 6.75% వడ్డీ,  సీనియర్‌ సిటిజన్లు ఇవే కాలవ్యవధులకు 7.25% వడ్డీ పొందుతారు. 444, 555 రోజుల ప్రత్యేక డిపాజిట్లపై కూడా ఇదే వడ్డీ రేట్లను పొందొచ్చు. రూ.2 కోట్ల లోపు డిపాజిట్లపై ఈ వడ్డీ రేట్లు వర్తిస్తాయి. కొత్త రేట్లు మార్చి 17 నుంచి అమల్లోకి వచ్చాయి.