BSNL Offers: బీఎస్‌ఎన్‌ఎల్‌ రూ.2399 ప్లాన్‌పై 60 రోజుల ఎక్స్‌ట్రా వ్యాలిడిటీ

ఇంటర్నెట్‌ డెస్క్‌: డేటా, వాయిస్‌ కాలింగ్‌ విషయంలో ప్రైవేట్‌ టెలికాం సంస్థలతో పోటీపడుతోన్న ప్రభుత్వ రంగ సంస్థ బీఎస్‌ఎన్‌ఎల్‌ తాజాగా మరో బంపరాఫర్‌ను తీసుకొచ్చింది. రూ.2,399కి అందిస్తోన్న దీర్ఘకాల ప్లాన్‌ వ్యాలిడిటీని మరికొన్ని రోజులు పొడిగిస్తున్నట్లు ప్రకటించింది. ఇప్పటి వరకు 365 రోజుల కాలపరిమితితో ఈ పథకం అందుబాటులో ఉంది. ఆఫర్‌లో భాగంగా తాజాగా రిఛార్జ్‌ చేసుకునే వారికి మరో 60 రోజుల అదనపు వ్యాలిడిటీని అందించనుంది. ఈ ఆఫర్‌ జూన్‌ 29, 2022 వరకు అందుబాటులో ఉండనుంది. ఈ ప్లాన్‌లో వస్తున్న ఇతర ప్రయోజనాలిలా ఉన్నాయి..

* ఆఫర్ అందుబాటులో ఉన్న సమయంలో రీఛార్జ్‌ చేసుకుంటే 60 రోజుల అదనపు వ్యాలిడిటీతో కలిపి మొత్తం 425 రోజుల కాలపరిమితితో ఈ ప్లాన్‌ లభిస్తుంది.

* రోజుకి 2 జీబీ డేటా, అపరిమిత వాయిస్‌ కాలింగ్‌, రోజుకి 100 ఎస్‌ఎంఎస్‌లు ఉంటాయి.

* బీఎస్‌ఎన్‌ఎల్‌ ట్యూన్లు, ఈరోస్‌ నౌ ఎంటర్‌టైన్‌మెంట్‌ సేవలకు ఉచిత సబ్‌స్క్రిప్షన్‌ పొందొచ్చు.

* ఏప్రిల్‌ 1, 2022 నుంచే ఈ ఆఫర్‌ అందుబాటులోకి వచ్చింది. ఈ తేదీ తర్వాత రీఛార్జి చేసుకున్న వారందరికీ ఈ ఆఫర్‌ ఆటోమేటిక్‌గా వర్తిస్తుంది. ప్రత్యేకంగా ఆఫర్‌ను యాక్టివేట్‌ చేసుకోవాల్సిన అవసరం ఏమీ లేదు.

► Read latest Business News and Telugu News

► Follow us on Facebook, Twitter, Instagram, Koo, ShareChat and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.