ఐఎస్‌బీలో బీవీ జగదీశ్‌ పేరుమీద ప్రొఫెషనల్‌ ఛైర్‌

ఈనాడు, హైదరాబాద్‌: ఇండియన్‌ స్కూల్‌ ఆఫ్‌ బిజినెస్‌ (ఐఎస్‌బీ) హైదరాబాద్‌ ప్రాంగణంలో, పారిశ్రామికవేత్త, దాత బీవీ జగదీశ్, అనూరాధ జగదీశ్‌ దంపతుల పేరుమీద ప్రొఫెసర్‌షిప్‌ ఛైర్‌ను ఏర్పాటు చేసింది. ఐఎస్‌బీ ప్రారంభ సమయంలోనూ ఆ తరవాత అనేక సందర్భాల్లో జగదీశ్‌ అందించిన సహాయానికి గుర్తింపుగా దీన్ని ఏర్పాటు చేసినట్లు డీన్‌ ప్రొఫెసర్‌ మదన్‌ పిల్లుట్ల తెలిపారు. ఎంతోమంది సహాయంతోనే ఐఎస్‌బీ ఈ రోజు ప్రపంచ వ్యాప్తంగా గుర్తింపు పొందుతున్నట్లు పేర్కొన్నారు. ఐఎస్‌బీ లాంటి విద్యా సంస్థల అవసరం ఎంతో ఉందని, ఇందులో బాగస్వామ్యం కావడం ఆనందాన్ని కలిగిస్తోందని బీవీ జగదీశ్, అనూరాధ పేర్కొన్నారు.