Telangana News: నిజామాబాద్‌ నుంచి కాశీయాత్రకు వెళ్లిన బస్సు బోల్తా

నిజామాబాద్: జిల్లా నుంచి కాశీ యాత్రకు వెళ్లిన బస్సు ప్రమాదానికి గురైంది. బిహార్‌లోని ఔరంగాబాద్‌ జిల్లాలో యాత్రికులతో కూడిన బస్సు బోల్తా పడింది. ఈ ఘటనలో నిజామాబాద్‌ జిల్లా వెల్మల్‌కు గ్రామానికి చెందిన సరలమ్మ(70) మృతి చెందగా, మరో ఐదుగురికి గాయాలు అయ్యాయి. క్షతగాత్రులకు ఔరంగాబాద్‌ పట్టణంలో చికిత్స అందిస్తున్నారు. ఈ నెల 24న 38 మంది యాత్రికులతో కూడిన ట్రావెల్స్‌ బస్సు నిజామాబాద్‌ నుంచి బయలుదేరింది. బస్సులో నిజామాబాద్ జిల్లా వెల్మల్, దత్తపూర్, తలవేద, డొంకేశ్వర్‌తో పాటు పాటు నిర్మల్ జిల్లా బాసరకు చెందిన యాత్రికులు ఉన్నారు. ఔరంగాబాద్‌లో ఓ హోటల్ వద్ద బస్సు ఆపుతుండగా వెనుకనుంచి లారీ ఢీకొనడంతో బస్సు బోల్తా పడింది.