అలాగే వదిలేశారు!

కూడూరు వద్ద కల్వర్టు విస్తరించిన ప్రదేశంలో ప్రమాదకరంగా ఉన్న రహదారి

న్యూస్‌టుడే, మారేడుమిల్లి: ఇటీవల మారేడుమిల్లి నుంచి పుల్లంగి వెళ్లే రహదారి విస్తరణ పనులు చేపట్టారు. ఇందులో భాగంగా గతంలో ఉన్న కల్వర్టులను వెడల్పు చేశారు. కూడూరులో కల్వర్టు విస్తరణ పనులు పూర్తి చేశారు. ఆ ప్రదేశంలో నిర్మాణ సామగ్రి అలాగే వదిలేయడంతో రహదారి అస్తవ్యస్తంగా మారింది. దీనిని సరిచేయకపోవడంతో ద్విచక్రవాహనదారులు ప్రమాదాలకు గురవుతున్నారు. సంబంధిత అధికారులు స్పందించి అస్తవ్యస్తంగా ఉన్న ప్రదేశాన్ని సరిచేయాలని స్థానికులు కోరుతున్నారు.