స్వామి దర్శనానికి పోటెత్తిన భక్తులు

భక్తులతో నిండిన మోపిదేవి దేవాలయ ప్రాంగణం

మోపిదేవి, న్యూస్‌టుడే: మోపిదేవిలోని శ్రీవల్లీ దేవసేనా సమేత సుబ్రహ్మణ్యేశ్వరస్వామిని ఆదివారం వేలాది మంది భక్తులు దర్శించారు. అభిషేకాలు, రాహు, కేతు, సర్పదోషపూజలు, స్వామి కల్యాణం, చిన్నారుల మొక్కుబడులు, పాల పొంగళ్లు, తలనీలాలు తదితర మొక్కుబడులు తీర్చుకున్కారు. మహన్యాస ఏక రుద్రాభిషేకాలు 245, శాంతి కల్యాణంలో 70, కాలసర్పదోష పూజల్లో 222, సాధారణ అభిషేకాల్లో 261, తలనీలాలు 904 మంది, పాలపొంగళ్లు 251, శీఘ్రదర్శనంలో 1818 మంది పాల్గొన్నారు. సేవా టికెట్ల ద్వారా రూ.4.03 లక్షలు, శాశ్వత అన్నదానానికి రూ.20,349, నిత్యాన్నదానానికి రూ.85,300, ప్రసాదాల విక్రయాల ద్వారా రూ.1.50 లక్షలు మొత్తం రూ.7.62 లక్షల ఆదాయం సమకూరిందని ఆలయ సహాయ కమిషనర్‌ నల్లం సూర్య చక్రధరరావు వివరించారు.