విద్యుత్తు విజిలెన్స్‌ సీఐకి మూడు పురస్కారాలు

విజయానంద్‌ చేతుల మీదుగా లాయల్టీ అవార్డు అందుకుంటున్న గంగాభవానీ

సూర్యారావుపేట, న్యూస్‌టుడే : విద్యుత్తు విజిలెన్స్‌ విభాగంలో అత్యుత్తమ సేవలు అందించిన సీఐ గంగాభవానీకి గణతంత్ర దినోత్సవం సందర్భంగా మూడు అవార్డులు లభించారు. గుణదల విద్యుత్తు సౌధలో నిర్వహించిన కార్యక్రమంలో ట్రాన్స్‌కో సీఎండీ విజయానంద్‌ చేతుల మీదుగా లాయల్టీ అవార్డు, పాలిటెక్నిక్‌ కళాశాల సమీపంలోని ఏపీసీపీడీసీఎల్‌ సీఎండీ కార్యాలయంలో ఏపీసీపీడీసీఎల్‌ సీఎండీ పద్మజనార్ధనరెడ్డి చేతుల మీదుగా ప్రతిభా పురస్కారం అందుకున్నారు. పోలీస్‌ పరేడ్‌ గ్రౌండ్‌లో నిర్వహించిన జిల్లా కార్యక్రమంలో కలెక్టర్‌ డిల్లీరావు చేతుల మీదుగా ప్రశంసాపత్రాన్ని అందుకున్నారు.