స్వచ్ఛ సర్వేక్షణ్‌ అవార్డుకు పుంగనూరు ఎంపిక

పురపాలక కార్యాలయం

పుంగనూరు, న్యూస్‌టుడే: కేంద్ర, రాష్ట్ర ప్రభుత్వాలు అమలుచేస్తున్న స్వచ్ఛ సర్వేక్షణ్‌ 2021-22 ఏడాదికి గానూ పుంగనూరు పురపాలక జాతీయస్థాయి స్వచ్ఛ అవార్డుకు ఎంపికైందని పురపాలక కమిషనరు నరసింహప్రసాద్‌ తెలిపారు. శనివారం స్థానిక విలేకరులతో మాట్లాడుతూ అక్టోబరు ఒకటిన దిల్లీలో రాష్ట్రపతి చేతుల మీదుగా ఈ అవార్డును అందుకోనున్నట్లు తెలిపారు. మంత్రి పెద్దిరెడ్డి రామచంద్రారెడ్డి, ఎంపీ మిథున్‌రెడ్డి, పురపాలక ఛైర్మన్‌ అలీంబాషా, కౌన్సిలర్లు, అధికారులు, పురప్రజల సహకారంతో ఈ అవార్డును సాధించామన్నారు. పట్టణ ప్రముఖులు హర్షం వ్యక్తం చేశారు.