పుత్తూరులో ‘ప్రజాగళం’ రేపు

పుత్తూరులో మాట్లాడుతున్న గాలి భానుప్రకాష్‌

పుత్తూరు, నగరి, నిండ్ర, న్యూస్‌టుడే: తెదేపా అధినేత చంద్రబాబునాయుడు బుధవారం  పుత్తూరులో ప్రజాగళం బహిరంగ సభ నిర్వహించనున్నారని నగరి తెదేపా అభ్యర్థి గాలి భానుప్రకాష్‌ పేర్కొన్నారు. నగరి, పుత్తూరు, నిండ్ర మండలాల్లో ఆయన నాయకులతో సమావేశం నిర్వహించారు. పుత్తూరు పట్టణం కార్వేటినగర్‌ రోడ్డు కాపువీధి కూడలి వద్ద మధ్యాహ్నం 2 గంటలకు సభ జరుగుతుందని, అందరూ కలసి విజయవంతం చేయాలని పిలుపునిచ్చారు. ఈ సందర్భంగా పుత్తూరు సమీపంలో చంద్రబాబు దిగే హెలీప్యాడ్‌ పనులను ఆయన పరిశీలించారు.