వైకాపా గొప్పలు.. రైతుకు తిప్పలు

మాది రైతుల ప్రభుత్వం అని గొప్పలు చెప్పుకొంటున్న వైకాపా పాలనలో కర్షకులు అనుభవిస్తున్న అవస్థలకు ఈ చిత్రమే నిదర్శనం. కట్టిస్తామన్న గోదాములు నిర్మించక, కనీసం కళ్లాలకూ స్థలాలు చూపకపోవడంతో రైతులు ధాన్యం ఆరబోసుకునేందుకు తీవ్ర ఇబ్బందులుపడుతున్నారు. ఈ క్రమంలోనే సీతానగరం మండలంలోని వంగలపూడిలో రైతులు మంగళవారం శ్మశానంలో ధాన్యం ఆరబోశారు. ‘ఆర్బీకేల్లో ధాన్యం పోసుకునే స్థలాలు ఉండటం లేదు. ధాన్యం తీసుకెళ్లేందుకు వాహనాలూ పంపడం లేదు. వాహనాల అద్దె ఖర్చూ మేమే భరించాల్సి వస్తోంది. తీరా ఆర్బీకేలకు తీసుకెళ్తే తేమ శాతంపై కొర్రీలు పెట్టి.. వెనక్కి పంపుతున్నారు. అందుకే ముందుగానే ఖాళీ స్థలాలు ఎక్కడుంటే అక్కడే ఇలా ఆరబోసుకోవాల్సి వస్తోంది’ అని రైతులు ఆవేదన వ్యక్తం చేస్తున్నారు.

న్యూస్‌టుడే, సీతానగరం