మీరాలం చెరువును.. ఇలాగే చేయండి

అర్వింద్‌కుమార్‌కు ఎంపీ అసదుద్దీన్‌ ఒవైసీ ట్వీట్‌

దుర్గం చెరువు వద్ద పడవలు

ఈనాడు, హైదరాబాద్‌:  ‘అర్వింద్‌ సార్‌.. దుర్గం చెరువును అభివృద్ధి చేసినట్టుగానే పాతబస్తీలోని మీరా లం చెరువు రూపు రేఖలూ మార్చండి. అందమైన చెరువు మీరాలం. దీన్ని అభివృద్ధి చేయాల్సిన అవసరం ఉంది’ అని ఎంపీ అసదుద్దీన్‌ ఒవైసీ పురపాలక శాఖ ప్రత్యేక ప్రధాన కార్యదర్శి అర్వింద్‌కుమార్‌ను గురువారం ట్విటర్‌ ద్వారా అభ్యర్థించారు. దుర్గం చెరువు వద్ద పడవల్లో షికారుకు హెచ్‌ఎండీఏ ఏర్పాట్లు చేస్తోంది. విద్యార్థులు, మహిళలు, పిల్లలకు ఇది ఎంతో ఉత్సాహాన్ని కలిగించనుందని దుర్గం చెరువు ఫొటోలను అర్వింద్‌కుమార్‌ గురువారం ట్విటర్‌లో పోస్ట్‌ చేశారు. వాటిని చూసిన ఎంపీ ఈ మేరకు స్పందించారు. త్వరలో చర్యలు తీసుకుంటామని అర్వింద్‌ రీట్వీట్‌ చేశారు.