అన్ని వర్గాలకూ సంక్షేమ బడ్జెట్‌: వకుళాభరణం

మాట్లాడుతున్న వకుళాభరణం కృష్ణమోహన్‌రావు, పక్కన కుమారస్వామి

కాచిగూడ, న్యూస్‌టుడే: రాష్ట్ర బడ్జెట్‌ అన్ని వర్గాల సంక్షేమ సమ్మిళితమని తెలంగాణ రాష్ట్ర బీసీ కమిషన్‌ ఛైర్మన్‌ డాక్టర్‌ వకుళాభరణం కృష్ణమోహన్‌రావు అన్నారు. బుధవారం కాచిగూడలో ‘తెలంగాణ రాష్ట్ర వార్షిక బడ్జెట్‌- ప్రభుత్వ సమగ్ర ప్రణాళికలు’ అంశంపై జాతీయ బీసీ దళ్‌ అధ్యక్షుడు దుండ్ర కుమారస్వామి ఆధ్వర్యంలో జరిగిన చర్చా వేదికలో ఆయన మాట్లాడారు. బలహీన వర్గాల సంక్షేమం, వ్యవసాయం,  పారిశ్రామిక రంగాల అభివృద్ధికి ప్రాధాన్యం ఇచ్చారని పేర్కొన్నారు. తొమ్మిదేళ్లలో అభివృద్ధి ఎంత వేగంగా ముందుకు సాగిందో ప్రస్తుత బడ్జెట్‌ అంచనాలు స్పష్టం చేస్తున్నాయన్నారు. అభివృద్ధి ఫలాలు అందరికి అందేలా ప్రభుత్వ సమగ్ర ప్రణాళిక క్రమాన్ని బడ్జెట్‌లో పొందుపర్చారని వివరించారు.