జలమండలికి వరల్డ్‌ వాటర్‌ పురస్కారం

అవార్డుతో జలమండలి ఎండీ దానకిషోర్‌, అధికారులు

ఈనాడు, హైదరాబాద్‌ : హైదరాబాద్‌ జలమండలికి వరల్డ్‌ వాటర్‌ పురస్కారం లభించింది. యునెస్కో, కేంద్ర జల్‌శక్తి, ప్రముఖ అంతర్జాతీయ పత్రిక వాటర్‌ డైజెస్ట్‌ సంయుక్తంగా 65 విభాగాల్లో నిర్వహించిన పోటీల్లో ప్రభుత్వ విభాగంలో ఉత్తమ మురుగుశుద్ధి అవార్డు లభించింది. దిల్లీలో శుక్రవారం జరిగిన కార్యక్రమంలో కేంద్ర జల్‌శక్తి శాఖ మంత్రి గజేంద్ర షెకావత్‌ అవార్డును జలమండలి ప్రాజెక్ట్‌ డైరెక్టర్‌ శ్రీధర్‌బాబుకు అందజేశారు. అవార్డును ప్రశంసాపత్రాన్ని శ్రీధర్‌బాబు శనివారం జలమండలి ఎండీ దానకిషోర్‌కు అందించారు. సీఎం కేసీఆర్‌, మంత్రి కేటీఆర్‌ల ప్రోత్సాహం వల్లే ఈ ఘనత దక్కిందన్నారు.