ఒకటో తేదీనే జీతాలు చెల్లించాలి: యూటీఎఫ్‌

నిరసన వ్యక్తం చేస్తున్న నాయకులు

వికారాబాద్‌ టౌన్‌, న్యూస్‌టుడే: రాష్ట్ర ప్రభుత్వం ఉద్యోగ, ఉపాధ్యాయులకు ప్రతినెలా ఒకటో తేదీనే వేతనాలు చెల్లించాలని టీఎస్‌ యూటీఎఫ్‌ జిల్లా అధ్యక్షుడు వెంకటరత్నం డిమాండ్‌ చేశారు. శుక్రవారం జిల్లా కేంద్రం వికారాబాద్‌లోని డీటీఓ కార్యాలయం ఎదుట నిరసన వ్యక్తం చేశారు. ఈ సందర్భంగా ఆయన మాట్లాడుతూ...ఎయిడెడ్‌ ఉపాధ్యాయులకు మూడు నెలల వేతనాలు చెల్లించడం లేదని, ఉద్యోగ ఉపాధ్యాయులకు ఇతర సప్ల్లిమెంటరీ బిల్లులు, వేతనాలు, పీఆర్‌సీ బకాయిలు,  పెన్షన్‌దారుల బకాయిలు ఎనిమిది నెలలుగా సంబంధిత శాఖ ఖాతాల్లో జమకావడం లేదని ఆవేదన వ్యక్తం చేశారు.  కార్యక్రమంలో టీఎస్‌ యూటీఎఫ్‌ జిల్లా ప్రధాన కార్యదర్శి రాములు, ఉపాధ్యక్షులు జమున, కార్యదర్శి పవన్‌కుమార్‌ పాల్గొన్నారు.