ఫ్యాన్సీ నంబర్లతో కాసుల పంట

ఖైరతాబాద్‌, న్యూస్‌టుడే: రవాణా శాఖలో ఫ్యాన్సీ నంబర్ల ద్వారా కాసుల పంట పండుతోంది. రవాణా శాఖ సెంట్రల్‌ జోన్‌ ఖైరతాబాద్‌లో ఒక్క రోజులోనే రూ.22,07,588 రాబడి వచ్చింది. మంగళవారం టీఎస్‌09జీఏ సీరీస్‌ నుంచి జీబీ సీరీస్‌లోకి మారిన సందర్భంగా ఫ్యాన్సీ నంబర్ల వేలం జరిగింది. ఇందుకు సంబంధించిన వివరాలు జేటీసీ పాండురంగ నాయక్‌ వెల్లడించారు. టీఎస్‌ 09జీఏ 9999 నంబరును కేపీ వెంకటసుబ్బయ్య టెండరు ద్వారా రూ.3,50,009 చెల్లించి సొంతం చేసుకున్నారు. కొత్త సీరీస్‌లోని టీఎస్‌ 09జీబీ0006 నంబరుకు ఏఎంఆర్‌ ఇండియా లిమిటెడ్‌ రూ.2,13,116, జీబీ 0005కు స్టోన్‌ క్రాఫ్ట్‌ డెవలపర్స్‌ రూ.1,61,500 చెల్లించింది. పాత సీరీస్‌లోని జీఏ 9909కు ఆర్‌కే మార్కెటింగ్‌ సర్వీసెస్‌ రూ.1,15,559, కొత్త సీరీస్‌ జీబీ 0090 బెవ్‌గో వెంచర్స్‌ రూ.1,01,000లకు దక్కించుకుంది.